امریکا اور ایران کے درمیان بڑھتی ہوئی کشیدگی کے باوجود عالمی منڈی میں خام تیل کی قیمتوں میں کمی ریکارڈی کی گئی ہہے۔
غیر ملکی خبر ایجنسی رائٹرز کے مطابق عالمی منڈی میں برینٹ خام تیل کی قیمت 1.29 ڈالر کمی کے بعد 89.45 ڈالرجبکہ امریکی ویسٹ ٹیکساس انٹرمیڈیٹ خام تیل کی قیمت 56 سینٹ یا 0.66 فیصد کمی کے بعد 83.90 ڈالر فی بیرل پر آ گئی۔
رپورٹ کے مطابق امریکا اور ایران کے درمیان تنازع میں شدت آنے کے باوجود تیل بردار جہازوں کی آمدورفت جاری رہنے سے قیمتوں میں کمی آئی۔
ٹرمپ کی ایران کو دھمکی، عالمی منڈی میں خام تیل کی قیمتیں 6 فیصد سے زائد بڑھ گئیں
اس سے قبل گزشتہ کاروباری سیشن میں جنگ کے باعث تیل کی قیمتوں میں نمایاں اضافہ دیکھا گیا تھا، جہاں برینٹ خام تیل 7.91 فیصد اور ڈبلیو ٹی آئی 6.56 فیصد اضافے کے ساتھ بند ہوا تھا۔ یہ اضافہ منگل کو جنگ میں مختصر وقفے کے بعد آنے والی 5 فیصد کمی کے بعد ریکارڈ کیا گیا تھا۔
توانائی کے شعبے سے وابستہ ماہرین کا کہنا ہے کہ اگر امریکا اور ایران کے درمیان کشیدگی کم ہوتی ہے اور خطے میں امن برقرار رہتا ہے تو آئندہ دنوں میں خام تیل کی قیمتوں پر مزید دباؤ آ سکتا ہے۔
پیٹرول سستا، ڈیزل مہنگا: حکومت نے نئی قیمتوں کا اعلان کر دیا
ماہرین کا یہ بھی کہنا ہے کہ مشرقِ وسطیٰ کی صورتحال اب بھی غیر یقینی ہے اور کسی بھی نئی پیش رفت کی صورت میں قیمتوں کا رخ دوبارہ تبدیل ہو سکتا ہے۔
ماہرین کے مطابق عالمی معیشت، ایندھن کی طلب، اوپیک پلس کی پیداوار اور جغرافیائی سیاسی حالات آئندہ ہفتوں میں تیل کی قیمتوں کا تعین کرنے والے اہم عوامل رہیں گے۔
