ہرارے: زمبابوے کے تجربہ کار بیٹر برینڈن ٹیلر نے آسٹریلیا کے خلاف ون ڈے میچ میں میدان میں اترتے ہی بھارتی لیجنڈ سچن ٹنڈولکر کا بڑا ریکارڈ توڑ دیا۔
رائٹرز کے مطابق برینڈن ٹیلر طویل ترین عرصے تک ون ڈے کرکٹ کھیلنے والے کھلاڑی بن گئے ہیں۔
آسٹریلیا کے خلاف میچ میں شرکت کے ساتھ ہی ان کا ون ڈے کیریئر 22 سال اور 4 ماہ پر محیط ہوگیا، جبکہ سچن ٹنڈولکر کا ون ڈے کیریئر 22 سال اور 3 ماہ تک جاری رہا تھا۔
سب سے زیادہ پڑھی جانے والی
40 سالہ برینڈن ٹیلر نے 2004 میں ون ڈے کرکٹ کا آغاز کیا تھا اور دو دہائیوں سے زائد عرصے تک زمبابوے کی نمائندگی کرتے ہوئے کئی اہم اعزازات اپنے نام کیے۔
رائٹرز کے مطابق برینڈن ٹیلر نے اب تک 207 ون ڈے میچز میں زمبابوے کی جانب سے ریکارڈ 11 سنچریاں اسکور کی ہیں۔ وہ زمبابوے کے کامیاب ترین اور تجربہ کار بیٹرز میں شمار ہوتے ہیں۔
برینڈن ٹیلر نے طویل عرصے تک بین الاقوامی کرکٹ میں اپنی موجودگی برقرار رکھتے ہوئے کئی نسلوں کے کھلاڑیوں کے ساتھ اور ان کے خلاف کھیلنے کا اعزاز بھی حاصل کیا۔
سچن ٹنڈولکر نے 1989 میں ون ڈے کرکٹ کا آغاز کیا تھا اور 2012 میں اپنے ون ڈے کیریئر کا اختتام کیا۔ انہوں نے بھارت کی جانب سے 463 ون ڈے میچز کھیلے اور 18 ہزار سے زائد رنز اسکور کیے۔
برینڈن ٹیلر کا نیا اعزاز اس لحاظ سے بھی اہم ہے کہ انہوں نے ایک ایسے ریکارڈ کو اپنے نام کیا ہے جو طویل عرصے تک سچن ٹنڈولکر کے پاس رہا۔
آسٹریلیا کے خلاف میدان میں اترتے ہی ٹیلر نے ون ڈے کرکٹ میں سب سے طویل کیریئر کا نیا ریکارڈ قائم کردیا۔
