پاکستان ٹیم میں ایک نئے نوجوان نے بطور فاسٹ بولر اور آل راؤنڈر اپنے بین الاقوامی سفر کا آغاز دھماکہ خیز انداز میں کیا ہے۔
9️⃣ sixes in a destructive knock 🔥
Which of Razaullah’s big hits was your favourite❓#ENGvPAK | #PakistanCricket pic.twitter.com/zwAn8rFD0K
یہ بھی پڑھیں
— Pakistan Cricket (@TheRealPCB) September 11, 2026
جی ہاں، بات ہو رہی ہے برمنگھم ٹیسٹ میں ڈیبیو کرنے والے رضااللہ کی جنہوں نے شاندار آل راؤنڈ کارکردگی سے پاکستان کی میچ میں واپسی ممکن بنائی۔ انہوں نے انگلینڈ کے خلاف تیسرے میچ کی پہلی اننگز میں 4 اہم وکٹیں حاصل کرنے کے بعد پاکستان کی دوسری اننگز میں جارحانہ بیٹنگ کرتے ہوئے 81 رنز کی شاندار اننگز کھیلی۔
انگلینڈ کی پہلی اننگز میں جاندار بولنگ کا جادو چلاتے ہوئے رضااللہ نے 23 اوورز کرائے اور 148 رنز دے کر 4 کھلاڑیوں کو آؤٹ کیا۔ انہوں نے ایمیلیو گے، جو روٹ، جیمی اسمتھ اور اولی رابنسن کو پویلین کی راہ دکھائی۔
Applauded for a fantastic effort 👏
Razaullah is a fan favourite after his incredible 81 on debut 🙌🤳#ENGvPAK | #PakistanCricket pic.twitter.com/vvRP2Lc9AU
— Pakistan Cricket (@TheRealPCB) September 11, 2026
اس کے بعد پاکستان کی دوسری اننگز میں 21 سالہ نوجوان نے بلے سے بھی شاندار جوہر دکھائے اور صرف 63 گیندوں پر 81 رنز بنا ڈالے، جس میں 4 چوکے اور 9 چھکے شامل تھے۔ ان کا اسٹرائیک ریٹ 128.57 رہا۔
رضا اللہ کی محنت کا نتیجہ تھا کہ پاکستان دوسری اننگز میں 449 رنز بنا کر انگلینڈ کی پہلی اننگز کی برتری ختم کرنے کے بعد مجموعی طور پر 129 رنز کی برتری حاصل کرنے میں کامیاب ہوا۔ سیریز کے باقی 2 میچ پاکستان انگلینڈ کے ہاتھوں بری طرح ہار چکا ہے۔
رضا اللہ کے کیریئر پر اک نظر
مردان میں 5 اپریل 2005 کو پیدا ہونے والے رضا اللہ نے محض چند برس کی ڈومیسٹک کرکٹ کے بعد پاکستان کی ٹیسٹ ٹیم میں جگہ بنائی اور آتے ہی شائقین کرکٹ کے دل جیت لیے۔
What a beautiful display of batting by Raza Ullah!! pic.twitter.com/ct9JFriRyH
— Ihtisham Ul Haq (@iihtishamm) September 11, 2026
رضا اللہ دائیں ہاتھ سے بیٹنگ اور دائیں ہاتھ سے فاسٹ بولنگ کرتے ہیں۔ ان کے کیریئر کی خاص بات یہ ہے کہ وہ محض روایتی ٹیل اینڈر نہیں بلکہ ضرورت پڑنے پر نچلے آرڈر میں جارحانہ بیٹنگ سے میچ کا نقشہ بدلنے کی صلاحیت رکھتے ہیں۔ ان کی ڈومیسٹک کرکٹ میں تیز رفتاری، سوئنگ اور سیم موومنٹ کے ساتھ بیٹنگ میں طاقتور اسٹروکس نے انہیں تیزی سے قومی سلیکٹرز کی نظروں میں پہنچایا۔
ڈومیسٹک کرکٹ میں کارکردگی
رضا اللہ نے ڈومیسٹک کرکٹ میں مردان انڈر 19، ایبٹ آباد ریجن انڈر 19، ایبٹ آباد ریجن، پشاور ریجن اور ساحر ایسوسی ایٹس سمیت مختلف ٹیموں کی نمائندگی کی۔ وہ آئل اینڈ گیس ڈیولپمنٹ کمپنی لمیٹڈ، ایم آئی ٹی سلوشنز اور پاکستان گولڈ سے بھی وابستہ رہے، جبکہ 2026 میں راولپنڈی کے پی ایس ایل فرنچائز راولپنڈیز کا حصہ بنے۔
The style.The bowling action.The raw aggression.There’s a glimpse of the legendary @waqyounis99 in every delivery.Razaullah, a promising new talent with a truly exciting future ahead.. pic.twitter.com/Fr5wV23EXg
— Javed Iqbal (@JavedIqbalReal) September 10, 2026
فرسٹ کلاس کرکٹ میں ان کی ترقی خاص طور پر قابل ذکر رہی۔ صرف 9 فرسٹ کلاس میچوں میں رضا اللہ نے 34 وکٹیں حاصل کیں، جبکہ بیٹنگ میں بھی 344 رنز ان کے نام ہیں۔ فرسٹ کلاس کرکٹ میں ان کی ایک سنچری بھی موجود ہے، جو اسلام آباد کے خلاف بنائی گئی تھی۔
ان کے ڈومیسٹک ریکارڈ میں 5 وکٹوں کی 3 اننگز بھی شامل ہیں، جبکہ 4 وکٹوں کی 2 پرفارمنسس ان کی شاندار بولنگ کا ثبوت ہیں۔ ان کی رفتار بھی خاصی متاثر کن بتائی جاتی ہے اور ڈومیسٹک وائٹ بال کرکٹ میں وہ 146 کلومیٹر فی گھنٹہ سے زائد رفتار سے گیند کرنے کی صلاحیت دکھا چکے ہیں۔
پی ایس ایل میں بھی موقع ملا
2026 میں رضا اللہ کو پاکستان سپر لیگ میں راولپنڈیز کی جانب سے کھیلنے کا موقع ملا۔ انہوں نے لاہور قلندرز کے خلاف 18 اپریل 2026 کو اپنا پی ایس ایل ڈیبیو کیا۔ ٹورنامنٹ میں انہیں دو میچوں میں موقع ملا اور انہوں نے تین وکٹیں حاصل کیں، ان کی بہترین بولنگ 2 رنز کے عوض 45 رنز رہی۔.
Razaullah credits his parents over his mind blowing performance with the bat against England at Birmingham.
VC: PCB#ENGvPAK | #Cricket | #Pakistan | #Razaullah | #Birmingham pic.twitter.com/h1q1AtCwnz
— Khel Shel (@khelshel) September 12, 2026
اگرچہ پی ایس ایل میں ان کو بیٹنگ کا اتنا موقع نہیں ملا، لیکن ڈومیسٹک سطح پر وہ بلے سے اپنی صلاحیت پہلے ہی ثابت کر چکے تھے۔ قائداعظم ٹرافی 2025 میں انہوں نے 218 رنز بنائے، جبکہ ایک میچ میں اسلام آباد کے خلاف 157 رنز کی شاندار اننگز بھی کھیلی۔
قومی ٹیم میں اچانک انٹری
انگلینڈ کے خلاف 3 ٹیسٹ میچوں کی سیریز کے آخری میچ سے قبل پاکستان ٹیم میں بڑے پیمانے پر تبدیلیاں ہوئیں اور رضا اللہ کو بھی قومی اسکواڈ میں شامل کیا گیا۔ آئی سی سی کے مطابق ٹیسٹ ڈیبیو سے قبل ان کے پاس صرف آٹھ فرسٹ کلاس میچوں کا تجربہ تھا۔
Fast bowler from Dir to lower-order hitter, an unexpected opener and now a Test cricketer—what a wild rise for Razaullah
Capable of bowling 145+kph, he has plenty of raw pace, and coaches at NCA have recently been working with him to fine-tune his bowling pic.twitter.com/Fs96nVdqyF https://t.co/2apBP32Gcq
— Pavilion Post (@CricinsightsX) September 9, 2026
9 ستمبر 2026 کو ایجبسٹن میں انگلینڈ کے خلاف رضا اللہ نے پاکستان کی ٹیسٹ کیپ حاصل کی۔ پہلے ہی دن انہوں نے انگلینڈ کے کپتان جو روٹ کو آؤٹ کرکے اپنی پہلی ٹیسٹ وکٹ حاصل کی، جبکہ اوپنر ایمیلیو گے کو بھی پویلین بھیجا۔
ریکارڈ بک میں بھی نام درج
81 رنز کی اننگز کے دوران رضا اللہ نے ٹیسٹ ڈیبیو پر کئی اہم سنگ میل عبور کیے۔ ان کے 9 چھکے ٹیسٹ ڈیبیو کی ایک اننگز میں سب سے زیادہ چھکوں کے ریکارڈ کے برابر ہیں۔ اس فہرست میں نیوزی لینڈ کے ٹم ساؤتھی بھی 9 چھکوں کے ساتھ موجود ہیں۔
اس کے علاوہ انہوں نے 43 گیندوں پر نصف سنچری بنا کر تیز ترین ٹیسٹ ففٹی کا قومی ریکارڈ بھی اپنے نام کیا۔ اس سے قبل پاکستان کی جانب سے ٹیسٹ کرکٹ میں تیز ترین نصف سنچری کا ریکارڈ فہیم اشرف کے پاس تھا، جنہوں نے 2018 میں آئرلینڈ کے خلاف 50 گیندوں پر ففٹی مکمل کی تھی۔
میری اطلاعات کےمطابق،
رضااللہ نےچار سال دھکےکھائے،
سلیکٹرزکو اس کےٹیلنٹ کی شدت کا اندازہ بھی تھا، لیکن پرچی کی عدم موجودگی۔
اسی لئے pcb پہ جب کڑا وقت آیا تو جھٹ سےڈھونڈ کےپاسپورٹ ویزا تیار کیا اور لے گئے۔
پاکستان میں ٹیلنٹ بہت ہے۔بس سیاسی ترجمان نما اینکرز کےبچےحق کھا جاتے ہیں۔ pic.twitter.com/9wJMoNrpYT
— Raja Faisal (@RajaFaisalPK) September 11, 2026
ان کی 81 رنز کی اننگز نے انہیں ٹیسٹ ڈیبیو پر نویں نمبر یا اس سے نچلے نمبر پر بیٹنگ کرتے ہوئے بڑی انفرادی اننگز کھیلنے والے بلے بازوں میں بھی شامل کردیا۔ ایجبسٹن کے شائقین نے ان کی جارحانہ بیٹنگ کو بھرپور داد دی۔
