عالمی اور مقامی مارکیٹوں میں سونے کی قیمت میں نمایاں کمی ریکارڈ کی گئی ہے۔
آل پاکستان جیمز اینڈ جیولرز ایسوسی ایشن کے مطابق مقامی صرافہ مارکیٹ میں سونے کی قیمت میں کمی ریکارڈ کی گئی، جس کے نتیجے میں فی تولہ سونا 7 ہزار روپے سستا ہوگیا، قیمت میں کمی کے بعد سونے کی نئی قیمت 4 لاکھ 24 ہزار 536 روپے فی تولہ مقرر ہوگئی ہے۔
ایسوسی ایشن کے مطابق 10 گرام سونے کی قیمت میں بھی نمایاں کمی ہوئی ہے۔ 10 گرام سونا 6 ہزار 1 روپے سستا ہونے کے بعد 3 لاکھ 63 ہزار 971 روپے پر آگیا ہے۔
سب سے زیادہ پڑھی جانے والی
عالمی مارکیٹ میں بھی سونے کی قیمت میں کمی ریکارڈ کی گئی، جس کے اثرات مقامی صرافہ بازار میں دیکھنے میں آئے، عالمی اور مقامی مارکیٹوں میں قیمتوں کی تبدیلی کے باعث سونے کے نرخوں میں اتار چڑھاؤ جاری رہتا ہے۔
سونے کی قیمت میں حالیہ کمی کے بعد مقامی مارکیٹ میں فی تولہ اور 10 گرام سونے کے نرخ کم ہوگئے ہیں۔
سونا خریدنے والے صارفین کے لیے قیمتوں میں یہ کمی اہمیت رکھتی ہے تاہم زیورات کی خریداری کے وقت سونے کی بنیادی قیمت کے علاوہ اجرت اوردیگر اخراجات بھی مجموعی قیمت پر اثر انداز ہوتے ہیں۔
واضح رہے کہ پاکستان میں سونے کی قیمتوں کا تعین عالمی مارکیٹ کے نرخوں اورمقامی صرافہ مارکیٹ کی صورت حال کو مدنظر رکھتے ہوئے کیا جاتا ہے، عالمی منڈی میں قیمتوں کی کمی یا اضافے کے ساتھ مقامی مارکیٹ میں بھی سونے کے نرخ تبدیل ہوسکتے ہیں۔
