بھارتی بیٹر رِنکو سنگھ (rinku singh)کو مبینہ طور پرگینگ کی جانب سے بھتے اور قتل کی دھمکیاں موصول ہوئی ہیں۔
بھارتی میڈیا رپورٹس کے مطابق ممبئی کرائم برانچ نے 2 مشتبہ افراد کو گرفتار کیا ہے جن پر الزام ہے کہ انہوں نے رِنکو سنگھ سے 5 کروڑ بھارتی روپے تاوان مانگا۔
غزہ امن معاہدہ فیزون،20نکات میں کیا کچھ شامل؟تفصیلات آگئیں
تحقیقات کے مطابق رواں سال فروری سے اپریل کے درمیان رِنکو کی پروموشنل ٹیم کو 3 مرتبہ تاوان کی دھمکیاں ملیں۔ ایک ملزم نے خود کو ڈی کمپنی کا رکن ظاہر کرتے ہوئےرِنکو سنگھ کے ایونٹ منیجر کو ای میل بھیجی، جس میں تاوان نہ دینے کی صورت میں قتل کی دھمکی دی گئی تھی۔
بھارتی میڈیا کے مطابق ملزمان کو ٹرینیڈاڈ اینڈ ٹوباگو سے گرفتار کر کے بھارت لایا گیا ہے۔ رِنکو سنگھ اب تک بھارت کی جانب سے 2 ون ڈے اور 34 ٹی ٹوئنٹی انٹرنیشنل میچ کھیل چکے ہیں۔انہوں نے اپنا ڈیبیو 18 اگست 2023 کو آئرلینڈ کے خلاف کیا تھا ۔
