واشنگٹن: امریکی صدر ڈونلڈ ٹرمپ نے یورپ اور برطانیہ کی توانائی پالیسیوں پر شدید تنقید کرتے ہوئے کہا ہے کہ خطہ توانائی کے بحران کا شکار ہے مگر قدرتی وسائل سے فائدہ نہیں اٹھایا جا رہا۔

غیر ملکی خبر رساں ایجنسی کے مطابق امریکی صدر ڈونلڈ ٹرمپ نے اپنے ایک بیان میں کہا ہے کہ شمالی سمندر دنیا کے بڑے تیل ذخائر میں سے ایک ہے۔ لیکن برطانیہ اس سے تیل نکالنے میں دلچسپی نہیں لے رہا جو ان کے مطابق “ناقابل فہم” ہے۔

انہوں نے کہا کہ برطانیہ کو فوری طور پر تیل کی پیداوار شروع کرنی چاہیے۔ کیونکہ یورپ پہلے ہی توانائی کی زیادہ قیمتیں ادا کر رہا ہے۔ ناروے اپنے وسائل سے فائدہ اٹھا کر خطیر آمدن حاصل کر رہا ہے جبکہ برطانیہ نسبتاً مہنگی توانائی کا شکار ہے۔

ڈونلڈ ٹرمپ نے کہا ہے کہ نیٹو ممالک بعض اہم معاملات میں فعال کردار ادا نہیں کر رہے۔ یہاں تک کہ بارودی سرنگیں صاف کرنے جیسے امور میں بھی تاخیر دکھائی جا رہی ہے۔

انہوں نے یورپی توانائی پالیسیوں پر تنقید کرتے ہوئے کہا کہ خطہ متبادل ذرائع پر ضرورت سے زیادہ انحصار کر رہا ہے۔ جبکہ روایتی توانائی کے وسائل کو نظرانداز کیا جا رہا ہے۔

یہ بھی پڑھیں: اٹلی نے اسرائیل کیساتھ دفاعی معاہدہ معطل کر دیا

ٹرمپ نے یہ بھی دعویٰ کیا کہ یورپ آبنائے ہرمز جیسے اہم بحری راستوں پر بھی امریکا پر انحصار کرتا ہے جو عالمی توانائی ترسیل کے لیے انتہائی اہم ہیں۔

اسلام آباد: ایرانی حکام نے عندیہ دیا ہے کہ اگر امریکا کے ساتھ مذاکرات کا دوسرا دور ہوا تو پاکستان ان کی اولین ترجیح ہو گا۔

غیر ملکی خبر رساں ایجنسی کے مطابق امریکا اور ایران کے درمیان ایک اور مرحلے کے مذاکرات جلد اسلام آباد میں ہونے کی اطلاعات گردش کر رہی ہیں۔

ایرانی حکام کا کہنا ہے کہ وہ مذاکرات کے لیے تیار ہیں تاہم دوسری جانب کی صورتحال واضح نہیں۔ امریکا کے ساتھ مذاکرات کا دوسرا دور ہوا تو پاکستان ہی ہمارے ترجیح ہو گی۔

غیر ملکی جریدے نے دعویٰ کیا ہے کہ دونوں ممالک کے وفود رواں ہفتے دوبارہ اسلام آباد آ سکتے ہیں۔ تاکہ امن مذاکرات کو آگے بڑھایا جا سکے۔

پاکستان میں ایرانی سفارتخانے کے ایک اہلکار نے بھی اس امکان کی تصدیق کرتے ہوئے کہا ہے کہ مذاکرات کا اگلا دور اسی ہفتے یا آئندہ ہفتے کے آغاز میں متوقع ہے۔

یہ بھی پڑھیں: ایران امریکا مذاکرات کو وزیر اعظم اور فیلڈ مارشل نے ممکن بنایا، جے ڈی وینس

دوسری جانب امریکی میڈیا رپورٹس کے مطابق پاکستان پہلے ہی امریکا اور ایران کے درمیان مذاکرات کے دوسرے مرحلے کی میزبانی کی پیشکش کر چکا ہے۔ جبکہ امکان ظاہر کیا جا رہا ہے کہ یہ اہم مذاکرات جمعرات کو اسلام آباد میں ہو سکتے ہیں۔

عالمی منڈی میں تیل کی قیمتوں میں منگل کے روز کمی دیکھنے میں آئی، کیونکہ امریکا اور ایران کے درمیان ممکنہ نئے امن مذاکرات کی امید نے توانائی کی سپلائی سے متعلق خدشات کو کسی حد تک کم کر دیا۔

برینٹ کروڈ کی قیمت تقریباً ایک فیصد کمی کے بعد 98.40 ڈالر فی بیرل پر آ گئی، جبکہ امریکی خام تیل کی قیمت 1.7 فیصد گر کر 97.40 ڈالر تک پہنچ گئی۔

عالمی مارکیٹ میں خام تیل کی قیمتوں میں کمی سے پیٹرول کی قیمت میں کمی کا  امکان ہے۔

یہ کمی ایسے وقت میں سامنے آئی جب امریکی صدر ڈونلڈ ٹرمپ نے کہا کہ تہران نے ممکنہ معاہدے کے لیے واشنگٹن سے رابطہ کیا ہے۔ ان کا کہنا تھا، “دوسری جانب سے ہمیں کال موصول ہوئی ہے، وہ معاہدہ کرنا چاہتے ہیں۔”

یاد رہے کہ اس سے قبل امریکا اور ایران کے درمیان مذاکرات ناکام ہونے کے بعد ٹرمپ کی جانب سے ایرانی بندرگاہوں کی ناکہ بندی کے اعلان پر تیل کی قیمتیں 100 ڈالر فی بیرل سے تجاوز کر گئی تھیں۔

دوسری جانب ایک رپورٹ میں بتایا گیا ہے کہ ایران نے یورینیم افزودگی پانچ سال کے لیے معطل کرنے کی پیشکش کی، تاہم امریکا نے اسے مسترد کرتے ہوئے 20 سال کی مدت کا مطالبہ کیا۔

اس کے باوجود ماہرین کا کہنا ہے کہ بات چیت کے جاری رہنے سے کسی ممکنہ معاہدے کی امید برقرار ہے، اور جلد براہ راست مذاکرات کا دوسرا دور بھی متوقع ہے۔

ادھر ایشیائی اسٹاک مارکیٹس میں بہتری دیکھنے میں آئی، جاپان کا نکی 225 انڈیکس 2.6 فیصد جبکہ جنوبی کوریا کا کوسپی انڈیکس 3 فیصد سے زائد بڑھ گیا۔

ماہرین کے مطابق آبنائے ہرمز میں کشیدگی بدستور عالمی توانائی مارکیٹ کے لیے بڑا خطرہ بنی ہوئی ہے، جہاں سے دنیا کی تقریباً 20 فیصد تیل و گیس ترسیل ہوتی ہے۔

امریکی نائب صدر جے ڈی وینس نے پاکستان کے کردار کو سراہتے ہوئے وزیراعظم شہباز شریف اور چیف آف ڈیفنس فورسز فیلڈ مارشل عاصم منیر کو امن مذاکرات میں کلیدی کردار ادا کرنے پر خراج تحسین پیش کیا ہے۔

فوکس نیوز سے گفتگو کرتے ہوئے جے ڈی وینس نے کہا کہ پاکستان نے امریکا اور ایران کے درمیان بات چیت کے لیے نہایت اہم میزبانی اور ثالثی کا کردار ادا کیا۔

انہوں نے کہا، “میں فیلڈ مارشل منیر اور پاکستان کے وزیراعظم کو کریڈٹ دینا چاہتا ہوں، دونوں نہایت شاندار میزبان اور بہترین مدبر رہنما ہیں، جنہوں نے ہمارے اور ایرانی قیادت کے درمیان بات چیت میں مدد فراہم کی۔”

جے ڈی وینس کا کہنا تھا کہ امریکا اور ایران کے درمیان طویل عرصے سے سنجیدہ سطح پر مذاکرات نہیں ہوئے تھے، ایسے میں پاکستان کی کوششوں نے دونوں ممالک کو ایک میز پر لانے میں اہم کردار ادا کیا۔

واشنگٹن: امریکی صدر ڈونلڈ ٹرمپ نے کہا ہے کہ ایران کے ساتھ متعدد معاملات پر پیشرفت ہو چکی ہے۔ تاہم یورینیم کے معاملے پر تاحال اتفاق نہیں ہو سکا۔

امریکی صدر ڈونلڈ ٹرمپ نے میڈیا سے گفتگو کرتے ہوئے کہا کہ جے ڈی وینس کی سربراہی میں وفد نے مؤثر مذاکرات کیے اور ایران کی جانب سے ڈیل کی خواہش کا پیغام بھی موصول ہوا۔

انہوں نے کہا کہ آبنائے ہرمز کی ناکہ بندی شروع ہو چکی ہے۔ اور امریکا کے پاس سعودی عرب اور روس سے بھی زیادہ تیل کے ذخائر موجود ہیں۔

ڈونلڈ ٹرمپ نے کہا کہ ایران کو جوہری ہتھیار رکھنے کی اجازت نہیں دی جا سکتی۔ اور کسی ملک کو بلیک میل کرنے کی بھی اجازت نہیں دی جائے گی۔

یہ بھی پڑھیں: برطانیہ کا ایران جنگ، آبنائے ہرمز کی ناکہ بندی میں شامل ہونے سے انکار

انہوں نے کہا کہ دنیا کو آبنائے ہرمز کی ضرورت ہے جبکہ ایران کے معاملے پر اعلیٰ سطحی مشاورت جاری ہے۔

لندن: برطانوی وزیر اعظم کیئر اسٹارمر نے واضح کیا ہے کہ برطانیہ ایران جنگ اور آبنائے ہرمز کی ناکہ بندی میں شامل نہیں ہو گا۔

غیر ملکی خبر رساں ایجنسی کے مطابق برطانوی وزیر اعظم کیئر اسٹارمر نے اپنے ایک بیان میں کہا کہ چاہے کتنا ہی دباؤ کیوں نہ ہو۔ برطانیہ کسی صورت جنگ کا حصہ نہیں بنے گا۔

انہوں نے زور دیا کہ آبنائے ہرمز کو مکمل طور پر کھولنا ناگزیر ہے۔ اور کسی بھی کارروائی کے لیے قانونی جواز اور جامع حکمت عملی ضروری ہے۔ جاری تنازع کا فوری اور پائیدار حل صرف سفارتکاری کے ذریعے ہی ممکن ہے۔

دوسری جانب فرانسیسی صدر ایمانوئل میکرون نے بھی آبنائے ہرمز میں آزاد اور بلا رکاوٹ جہاز رانی کی اہمیت پر زور دیتے ہوئے کہا کہ فرانس اور برطانیہ کثیرالاقوامی امن مشن کے لیے کانفرنس منعقد کریں گے۔

یہ بھی پڑھیں: چین کا آبنائے ہرمز کے معاملے پر ایران کی کھل کر حمایت کا اعلان

آسٹریلوی وزیر اعظم انتھونی البانی نے کہا کہ آبنائے ہرمز کی ناکہ بندی امریکا کا یکطرفہ اقدام ہے۔ اور آسٹریلیا کو اس میں شامل ہونے کے لیے نہیں کہا گیا۔

امریکی صدر ڈونلڈ ٹرمپ نے کیتھولک چرچ کے سربراہ پوپ لیو 16 کو اپنی خارجہ اور امیگریشن پالیسیوں پر تنقید کرنے پر سخت تنقید کا نشانہ بنایا ہے، جس سے دونوں شخصیات کے درمیان لفظی جنگ شدت اختیار کر گئی ہے۔

صدر ٹرمپ نے سوشل میڈیا پلیٹ فارم ٹروتھ سوشل پر جاری بیان میں پوپ لیو کو “جرائم کے معاملے میں کمزور اور خارجہ پالیسی کے لیے نقصان دہ” قرار دیا۔ بعد ازاں صحافیوں سے گفتگو میں انہوں نے کہا کہ وہ پوپ کے “بڑے مداح نہیں” ہیں۔

پوپ لیو16، جو گزشتہ سال پہلے امریکی نژاد پوپ منتخب ہوئے، حالیہ عرصے میں امریکا اور اسرائیل کی جانب سے ایران کے خلاف جنگ کے ناقد رہے ہیں۔ انہوں نے صدر ٹرمپ کی امیگریشن پالیسیوں پر بھی سوالات اٹھائے اور اسے انسانی اقدار کے منافی قرار دیا۔

پوپ نے گزشتہ ماہ پام سنڈے کے موقع پر ویٹیکن میں خطاب کرتے ہوئے کہا تھا کہ خدا ایسے رہنماؤں کی دعائیں قبول نہیں کرتا جو جنگیں شروع کرتے ہیں اور “جن کے ہاتھ خون سے رنگے ہوں”، جبکہ ایران میں جاری تنازع کو انہوں نے “انتہائی افسوسناک” قرار دیا۔

صدر ٹرمپ نے اپنے بیان میں پوپ پر جوہری ہتھیاروں کے معاملے پر بھی “کمزور مؤقف” رکھنے کا الزام لگایا، جبکہ حال ہی میں پوپ نے امریکی صدر کی جانب سے ایران کے خلاف سخت بیانات کو “ناقابل قبول” قرار دیا تھا۔

پوپ لیو نے امریکا سے مطالبہ کیا ہے کہ وہ جنگ کے خاتمے کے لیے راستہ نکالے اور تشدد میں کمی لائے۔ اس کے ساتھ ساتھ انہوں نے امریکا میں تارکین وطن کے ساتھ سلوک پر “گہری غور و فکر” کی ضرورت پر بھی زور دیا ہے۔

صدر ٹرمپ نے یہ بھی کہا کہ پوپ کو “اپنا کام درست کرنا چاہیے”، اور دعویٰ کیا کہ انہیں گزشتہ سال اس لیے منتخب کیا گیا کیونکہ وہ امریکی ہیں۔ ویٹیکن کی جانب سے اس معاملے پر فوری ردعمل سامنے نہیں آیا۔

یہ پہلا موقع نہیں کہ امریکی صدر اور ویٹیکن قیادت کے درمیان اختلافات سامنے آئے ہوں۔ اس سے قبل سابق پوپ فرانسس بھی ٹرمپ کی امیگریشن پالیسیوں پر تنقید کر چکے ہیں، جس پر ٹرمپ نے سخت ردعمل دیا تھا۔

نائجیریا کی فضائیہ نے اپنے ہی علاقے میں بمباری کر دی جس کے نتیجے میں 200 کے قریب افراد کی ہلاکت کا خدشہ ظاہر کیا گیا ہے۔

خبر ایجنسی کے مطابق واقعہ نائجیریا کی فضائیہ نے میدوگوری کے علاقے شدت پسندوں کی موجودگی کے شبے میں بمباری  کی۔

نائیجیریا ، مسجد میں بم دھماکے سے 7 نمازی جاں بحق

نائیجیریا کی فضائیہ نے کہا کہ اس نے بورنو ریاست میں بوکو حرام کے عسکریت پسندوں کو ہلاک کر دیا ہے، جبکہ پڑوسی ریاست یوبی کی حکومت نے کہا کہ اس علاقے پر فضائی حملہ ایک بازار کے قریب کیا گیا۔

یہ حملہ بورنو کے ساتھ سرحد پر یوبی کے ایک گاؤں میں ہوا، جو ایک طویل عرصے سے جاری شورش کا مرکز ہے جس میں ہزاروں افراد ہلاک اور لاکھوں بے گھر ہو چکے ہیں۔