تین روز میں مرغی کے گوشت کی قیمت میں 59 روپے تک اضافہ

مرغی کا گوشت chicken

لاہور، پشاور: برائلر مرغی کی قیمتوں میں اضافے کا سلسلہ جاری ہے، تین روز میں مرغی کے گوشت کی قیمت میں 59 روپے تک اضافہ ہو گیا۔

لاہور میں برائلر مرغی کے گوشت کی فی کلو قیمت میں مزید 3 روپے کا اضافہ ہوا ہے، گزشتہ روز گوشت کی فی کلو قیمت میں 32 روپے کا اضافہ ہوا تھا۔

برائلر مرغی کے فی کلو گوشت کی نئی قیمت 458 روپے مقرر کی گئی ہے، تین رو ز میں مرغی کا گوشت 59روپے کلو مہنگا ہوا ہے۔

آج زندہ برائلرمرغی کا تھوک ریٹ 304 روپے اور پرچون ریٹ 316 روپے کلو مقرر کیا گیا ہے۔

زرمبادلہ کے سرکاری ذخائر میں ایک کروڑ 50 لاکھ ڈالر کا اضافہ

لاہور میں فارمی انڈوں کی فی درجن قیمت میں ایک روپے کا مزید اضافہ ہونے سے انڈے 261 روپے درجن ہو گئے ہیں۔

پشاورمیں برائلر مرغی کی قیمت میں تین روز کے دوران 35 روپے کا اضافہ دیکھنے میں آیا ہے۔

سرکاری نرخ نامے کے مطابق زندہ برائلر مرغی کی فی کلو قیمت 315 سے بڑھ کر 350 روپے ہو گئی ہے۔

واضح رہے لاہور میں گزشتہ رو ززندہ برائلر مرغی کی قیمت میں 22روپے اضافہ ہوا جبکہ فارمی انڈوں کی قیمت بھی ایک روپے اضافے سے260روپے فی درجن کی سطح پر رہی۔


متعلقہ خبریں