کیلی فورنیا: امریکی ریاست کیلی فورنیا میں یہودیوں کی عبادت گاہ (معبد) پر ہونے والی فائرنگ کے نتیجے میں ایک شخص ہلاک اور تین زخمی ہوگئے ہیں۔ زخمیوں کو طبی امداد کے لیے اسپتال منتقل کردیا گیا ہے۔
Update#2 Those wounded in the Chabad of Poway #synagogueshooting were taken to Palomar Medical Center @PalomarHealth. Please respect the medical privacy of victims & their families during this difficult time. Remain clear of the area as this investigation will take several hours
— San Diego Sheriff (@SDSheriff) April 27, 2019
اسرائیلی اخبار یروشلم پوسٹ نے این بی سی سین ڈیاگو کے حوالے سے خبر دی ہے کہ فائرنگ سے زخمی ہونے والوں میں ایک شخص ہلاک ہوگیا ہے۔ فائرنگ کی اطلاع ملتے ہی علاقہ پولیس کی بھاری نفری جائے وقوع پر پہنچی اور اس نے عبادت گاہ کو اپنے گھیرے میں لے لیا۔
امریکی میڈیا کے مطابق فائرنگ سین ڈیاگو کے معبد میں کی گئی ہے۔ مؤقر امریکی نشریاتی ادارے سی این این کے مطابق زخمیوں میں ربی (Rabbi) بھی شامل ہیں۔ ان کی دو انگلیاں زخمی ہیں۔
عالمی خبررساں ایجنسی کے مطابق پولیس نے فائرنگ کے الزام میں ایک مشتبہ شخص کو حراست میں لیا ہے جس سے پوچھ گوچھ کی جارہی ہے۔
پولیس نے فائرنگ کے واقعہ کے بعد دیگر مذہبی عبادت گاہوں کے اطراف بھی سیکیورٹی میں اضافہ کردیا ہے۔
امریکی ذرائع ابلاغ کے مطابق پولیس نے شہریوں کو ہدایت کی ہے کہ وہ جائے وقوعہ سے دور رہیں۔