اسلام آباد: وزیراعظم پاکستان عمران خان نے بیگم گلثوم نواز کی وفات پر پارلیمنٹ کا مشترکہ اجلاس دو روز کے لیے موخر کرنے کی سفارش کر دی ہے۔
ذرائع کے مطابق وزارت پارلیمانی امور نے وزیر اعظم کو سمری ارسال کر دی ہے، مشترکہ اجلاس موخر کرنے کا فیصلہ کلثوم نواز کی تدفین کے پیش نظرکیا گیا ہے۔
اس سے قبل قومی اسمبلی کے ترجمان نے کہا تھا کہ قومی اسمبلی یا پارلیمنٹ کا مشترکہ اجلاس ملتوی کرنے کا ابھی تک کوئی فیصلہ نہیں ہوا۔
ان کا کہنا تھا کہ دونوں اجلاسوں کے سمن جاری ہو چکے ہیں اور ان کے ملتوی ہونے کے حوالے سے تمام خبریں بے بنیاد ہیں۔
سابق اسپیکر اسمبلی ایاز صادق کے موجود اسپیکر قومی اسمبلی اسد قیصر کے ساتھ رابطے کے حوالے سے ایک سوال کے جواب میں انہوں نے کہا کہ وہ اس بارے میں کوئی بھی تصدیق نہیں کر سکتے۔
صدرمملکت عارف علوی نے 13 ستمبر کو پارلیمنٹ کا مشترکہ اجلاس طلب کیا تھا۔
صدر مملکت اسلامی جمہوریہ پاکستان نے مجلس شوریٰ پارلیمنٹ کا مشترکہ اجلاس مورخہ 13ستمبر 2018 ء بروز جمعرات کو سہ پہر 4 بجے پارلیمنٹ ہاوس میں طلب کرلیا ہے @AsadQaiserPTI @ArifAlvi #JointSession #13September #NationalAssembly
— National Assembly of Pakistan (@NAofPakistan) September 12, 2018
