اسلام آباد میں پاکستان کا پہلا تھیم پارک بنانے کے لیے سعودی سرمایہ کاروں سے معاہدے کے بعد وزیر داخلہ محسن نقوی نے یقین دہانی کرائی ہے کہ “ایف نائن پارک سے ایک درخت بھی نہیں کٹے گا۔
وزارت داخلہ کی جانب سے جاری اعلامیے کے مطابق پاکستان کا اپنی نوعیت کا پہلا تھیم پارک اسلام آباد میں بنے گا جس میں سرمایہ کاری سعودی عرب کے سرمایہ کار کریں گے جبکہ اراضی کیپیٹل ڈویلپمنٹ اتھارٹی (سی ڈی اے) فراہم کرے گی۔
تھیم پارک کے لیے قذافی اسٹیڈیم لاہور میں ایک معاہدہ ہوا جس پر سعودی پاکستان بزنس کونسل کے چیئرمین شہزادہ منصور بن محمد السعود اور چئیرمین سی ڈی اے سہیل اشرف نے دستخط کیے۔
یہ بھی پڑھیں
اعلامیے کے مطابق تقریب کے مہمان خصوصی پاکستان کرکٹ بورڈ (پی سی بی) کے چیئرمین اور وزیر داخلہ محسن نقوی تھے جو اس سے قبل بھی اسلام آباد شہر اور اس کے تاریخی ایف نائن پارک سے متعلق مجوزہ منصوبوں کا مختلف مواقع پر ذکر کر چکے ہیں۔
آج سے 3 روز قبل ہی انہوں ںے میڈیا کو بتایا کہ وہ ’جنگل نما‘ ایف نائن پارک کو بدلنے جا رہے ہیں۔ ”ایف نائن پارک کے اندر 400 ایکڑ [اراضی] ابھی بھی ہے جو کہیں استعمال نہیں ہو رہی۔“
ایف نائن پارک کی تزئین و آرائش کریں گے، وزیر داخلہ محسن نقوی
#F9Park #Renovation #NewParks #MohsinNaqvi https://t.co/GEWincpJcv— APP (@appcsocialmedia) October 21, 2026
ان کے اس بیان پر شہریوں، بالخصوص اسلام آباد کے رہائشیوں اور ماحولیاتی تحفظ کے کارکنوں کی جانب سے سوشل میڈیا پر تحفظات اور اسلام آباد کے تاریخی پارک کے مستقبل کے حوالے سے فکر مندی کا اظہار کیا گیا۔
View this post on Instagram
اگرچہ وزارت نے اپنے اعلامیے میں یہ واضح نہیں کیا کہ ’ملک کا پہلا تھیم پارک‘ اسلام آباد میں ایف نائن پارک میں بنے گا یا کہیں اور تاہم محسن نقوی نے شہریوں کے تحفظات پر ایک یقینی دہانی ضرور کرائی ہے کہ ‘ایف نائن پارک سے ایک درخت بھی نہیں کٹے گا۔”
ایکس پر ماحولیاتی تحفظ کے کارکن ٹیچر عثمان کی ایف نائن کے حوالے انسٹاگرام پر شیئر کی گئی ویڈیو پوسٹ کرتے ہوئے وزیر داخلہ نے لکھ کہ ایف نائن سے درخت کاٹے جائیں گے نہ ہی کوئی کنکریٹ کے دھانچے تعمیر ہوں گے۔
F-9 Park holds a special place in the hearts of everyone living in Islamabad.
Let me make it absolutely clear that Not a single tree will be cut 100% guaranteed. No new concrete structures.
Instead, we are planning better lighting, a beautiful lake, coffee shops, improved walkways, and the plantation of thousands of additional trees.
Our only goal is to make F-9 Park greener, safer, more beautiful, and more enjoyable for families and visitors.
https://t.co/S6WZxwSmxx
— Mohsin Naqvi (@MohsinnaqviC42) October 25, 2026
انہوں ںے واضح کیا کہ ”اس کے بجائے ہم روشی کا بہتر بند و بست، خوبصورت جھیل، کافی شاپس، پیدل چلنے کے لیے بہتر راستے، اور ہزاروں نئے درخت لگانے کا پلان کر رہے ہیں۔“
آج تھیم پارک کے معاہدے کی تقریب کے موقع پرسعودی پاکستان بزنس کونسل کے چیئرمین شہزادہ منصور بن محمد السعود نے کہا کہ پاکستان، خصوصاً اسلام آباد میں سرمایہ کاری کے بہترین مواقع موجود ہیں۔
اسی طرح محسن نقوی کا کہنا تھا کہ ”اگلے چند ماہ میں سعودی عرب میں رئیل سٹیٹ کے حوالے سے روڈ شو کا بھی پلان ہے۔“
انہوں نے مزید کہا کہ ”اسلام آباد کے انفراسٹرکچر کو جدید ترین شہروں کی طرز پر استوار کیا جا رہا ہے۔ سعودی سرمایہ کاروں کو ہر ممکن سہولتیں فراہم کی جائیں گی۔ تھیم پارک ایک گیم چینجز پراجیکٹ ثابت ہوگا۔“
انہوں نے 2 روز قبل بھی لاہور میں پاک سعوعی عرب رئیل اسٹیٹ ایکسپو سے خطاب کے دوران کہا تھا کہ اسلام آباد میں ’مین ہٹن‘ طرز کا شہر بسانے، کم سے کم 600 فٹ اونچی عمارتیں بنانے، اور 450 ایکڑ پر مشتمل ایشیا کا سب سے بڑا سفاری پارک قائم کرنے کے منصوبوں کا آغاز کرنے جا رہے ہیں۔
اس کے لیے ان کا کہنا تھا کہ”دلچسپ بات یہ ہے کہ اس میں زمین کے لیے کوئی رقم نہیں لی جائے گی۔ ہم کوئی پیسہ نہیں مانگیں گے، بلکہ انوینٹری کی بنیاد پر آگے بڑھیں گے۔”
