حکومت کی جانب سے پیٹرولیم مصنوعات کی قیمتوں میں تبدیلی کا اعلان کردیا گیا۔
آئل اینڈ گیس ریگولیٹری اتھارٹی (اوگرا) کی جانب سے جاری کردہ نوٹیفکیشن کے مطابق پیٹرولیم مصنوعات کی قیمتوں میں ردوبدل کرتے ہوئے پیٹرول کی فی لیٹر قیمت میں 3 روپے 63 پیسے کمی کردی، جبکہ ڈیزل کی قیمت میں 31 پیسے فی لیٹر اضافہ کردیا گیا ہے۔
سب سے زیادہ پڑھی جانے والی
نوٹیفکیشن کے مطابق پیٹرول کی قیمت میں کمی کے بعد نئی قیمت 390 روپے 23 پیسے فی لیٹر مقرر کردی گئی ہے اس فیصلے سے پیٹرول استعمال کرنے والے صارفین کو فی لیٹر3 روپے 63 پیسے کا ریلیف ملے گا۔
نوٹیفکیشن میں بتایا گیا ہے کہ ڈیزل کی فی لیٹر قیمت میں 31 پیسے اضافہ کیا گیا ہے، جس کے بعد اس کی نئی قیمت 396 روپے 96 پیسے فی لیٹر ہوگئی ہے۔
حکومت کی جانب سے جاری نوٹیفکیشن کے مطابق پیٹرولیم مصنوعات کی نئی قیمتوں کا اطلاق 16 اکتوبر2026 سے ہوگا۔
پیٹرول کی قیمت میں کمی سے موٹر سائیکل، گاڑیوں اور دیگر پیٹرول سے چلنے والی سواریوں کے صارفین کو کچھ ریلیف ملنے کی توقع ہے جبکہ ڈیزل کی قیمت میں اضافے سے اس ایندھن پر انحصار کرنے والے شعبوں کے اخراجات متاثر ہوسکتے ہیں۔
ڈیزل ٹرانسپورٹ، مال برداری اور زرعی شعبے میں بڑے پیمانے پر استعمال ہوتا ہے، اس لیے اس کی قیمت میں اضافے کے اثرات اشیا کی ترسیل اور دیگر کاروباری اخراجات پر بھی پڑ سکتے ہیں۔
حکومت کی جانب سے پیٹرولیم مصنوعات کی قیمتوں میں ردوبدل کا نوٹیفکیشن جاری کردیا گیا ہے، جس میں پیٹرول اور ڈیزل کی نئی قیمتوں کی تفصیلات بیان کی گئی ہیں۔
