انگلینڈ کے ہاتھوں ٹیسٹ سیریز ہارنے کے بعد قومی کرکٹ ٹیم کو ایک اوربڑا دھچکا لگ گیا.
انٹرنیشنل کرکٹ کونسل (آئی سی سی ) نے برمنگھم میں کھیلے گئے تیسرے اور آخری ٹیسٹ میچ میں سلو اوور ریٹ پر پاکستانی کھلاڑیوں پر میچ فیس کا 50 فیصد جرمانہ عائد کردیا۔پاکستانی کرکٹ ٹیم مقررہ وقت میں 11 اوورز کم بولنگ کرنے کی مرتکب قرار پائی ۔
A further blow for Pakistan who have been hit with a pair of sanctions following their loss to England in the third #WTC27 contest in Birmingham.https://t.co/4pBrDK5K7n
سب سے زیادہ پڑھی جانے والی
— ICC (@ICC) September 14, 2026
اس کے علاوہ ورلڈ ٹیسٹ چیمپئن شپ سائیکل میں پاکستان کے 11 پوائنٹس بھی کاٹ لیے گئے۔یاد رہے برمنگھم ٹیسٹ میں انگلینڈ نے پاکستان کو 8 وکٹوں سے شکست دی تھی۔انگلینڈ نے پاکستان کو پہلی بار ہوم سیریز میں وائٹ واش کیا ۔ سیریز میں پاکستان کی بیٹنگ اور باؤلنگ دونوں شعبوں میں کارکردگی توقعات کے مطابق نہیں رہی۔
پاکستانی ٹیم کی ٹیسٹ رینکنگ میں مزید تنزلی
پاکستانی ٹیم کی ٹیسٹ رینکنگ مزید ایک درجہ گر گئی، انگلینڈ کے ہاتھوں ہوم سیریز میں شکست کے بعد ورلڈ ٹیسٹ چیمپئن شپ کے پوائنٹس ٹیبل پر پاکستانی ٹیم آخری نمبر پر آ گئی۔
ورلڈ چیمپئن شپ میں آسٹریلیا کا پہلا نمبر ہے ، آسٹریلیا کرکٹ ٹیم نے پچھلے 10 میچوں میں 8 فتوحات حاصل کی ہیں۔ٹیسٹ ٹیم رینکنگ کی فہرست میں جنوبی افریقا کا دوسرا، نیوزی لینڈ کا تیسرا ، بھارت کا چوتھا اور انگلینڈ کا پانچویں نمبر ہے۔
اس کے علاوہ بنگلہ دیش کی ٹیم چھٹے اور سری لنکا کی 7 ویں نمبر پر ہے جبکہ ویسٹ انڈیز کی ٹیم ایک درجے ترقی کے بعد 8 ویں نمبر پرآ گئی ہے۔
More #WTC27 gains for England after a series sweep over Pakistan 👏
More on the recent standings 👉 https://t.co/Ag5irO9kgu pic.twitter.com/bvUt7njASP
— ICC (@ICC) September 12, 2026
پاکستان کی حالیہ ٹیسٹ کارکردگی مسلسل تشویش کا باعث بنی ہوئی ہے، گرین کیپس کو اہم میچز میں کامیابی حاصل کرنے میں مشکلات کا سامنا ہے، جس کا براہِ راست اثر ٹیم کی پوزیشن پر پڑ رہا ہے۔ پاکستان اس سے قبل بنگلہ دیش کیخلاف بھی 0-2 سے ٹیسٹ سیریز ہار چکا ہے۔
مسلسل شکستوں کے بعد پاکستان کو ورلڈ ٹیسٹ چیمپئن شپ میں اپنی پوزیشن بہتر بنانے کے لیے آئندہ میچز میں فتوحات حاصل کرنا ہوں گی بصورت دیگر گرین کیپس کی رینکنگ مزید متاثر ہونے کا خدشہ ہے۔
