وینزویلا میں بدھ کی شام آنے والے 2 طاقتور زلزلوں میں ہلاک ہونے والوں کی تعداد 235 ہو گئی۔
وینزویلا کے وزیر صحت کے مطابق زلزلے کے نتیجے میں کم از کم 4 ہزار 300 افراد زخمی ہوئے ہیں جبکہ ہزاروں افراد لاپتہ ہیں ، جس کی وجہ سے ہلاکتوں میں اضافے کا خدشہ ہے۔
زلزلے کے باعث اسکول بند اور ٹرین سروس معطل کر دی گئیں، زلزلے سے متاثرہ علاقوں میں بڑے پیمانے پر امدادی سرگرمیاں کا سلسلہ شروع کر دیا گیا ہے۔
میکسیکو میں 5.22 شدت کا زلزلہ، شہریوں میں خوف و ہراس
زلزلے سے کراکس کے مرکزی مائی کیٹیا ائیرپورٹ کو شدید نقصان پہنچا، جس کے بعد فلائٹ آپریشن بند کر دیا گیا۔
وینزویلا کی قائم مقام صدر ڈیلسی روڈریگز نے قومی ٹیلی وژن پر خطاب کرتے ہوئے تصدیق کی ہے کہ زلزلے کے نتیجے میں ایئرپورٹ کے ترمینل کو شدید نقصان پہنچا ہے جس کے بعد اسے بند کر دیا گیا ہے۔
برطانوی میڈیا کے مطابق 30 ہزار افراد لاپتہ ہیں، متاثرین سڑکوں پر رات گزارنے پر مجبور ہیں۔
واضح رہے گزشتہ روز وینزویلا، کریبین جزائر، امریکا، میکسیکو اور براعظم امریکا سمیت دنیا کے مختلف ملکوں میں زلزلے کے شدید جھٹکے محسوس کیے گئے۔
منگولیا میں شدید زلزلہ، ریکٹر اسکیل پر شدت 5.9 ریکارڈ
وینزویلا میں 7.1 اور 7.5 شدت کے زلزلوں نے بڑے پیمانے پر تباہی مچا دی تھی، 22 منزلہ عمارت سمیت درجنوں عمارتیں عمارتیں زمین بوس ہو گئیں۔
امریکی ماہرین نے کہا ہے کہ زلزلے کے باعث وینزویلا میں 10 ہزار سے زائد اموات کا خدشہ ہے۔
