ملک میں سونا کئی روز مہنگا ہونے کے بعد آج کئی ہزار روپے سستا ہو گیا۔
صرافہ بازار ایسوسی ایشن کے مطابق ہفتے کے روز سونے کی فی تولہ قیمت 10 ہزار 600 روپے کمی کے بعد 4 لاکھ 46 ہزار 300 روپے ہو گئی۔
اس کے علاوہ 10 گرام سونا 8ہزار331 روپے کی کمی سے 3 لاکھ 82 ہزار 630 روپے کی سطح پر آگیا۔
گزشتہ روز ملک میں ایک ہی دن میں سونے کی فی تولہ قیمت میں 14 ہزار 100 روپے کا اضافہ ہوا تھا جس کے بعد قیمت 4 لاکھ 56 ہزار 900 روپے کی بلند ترین سطح کو چھو گئی تھی۔
دس گرام سونے کے نرخ میں بھی تاریخی اضافہ ہوا ، دس گرام سونے کی قیمت 12ہزار89 روپے بڑھے سے 3 لاکھ 91 ہزار 718 روپے ہوگئی ۔
عالمی مارکیٹ میں بھی سونے کے نرخ gold rates بلند ترین سطح پر پہنچ گئے، عالمی مارکیٹ میں سونے کے نرخ میں 141 ڈالرکا اضافہ ہوا ہے جس کے بعد فی اونس قیمت 4ہزار 358 ڈالر پر پہنچ گئی۔
سونا نہ صرف پاکستان میں بلکہ عالمی سطح پر بھی مہنگا ہو گیا ہے، پاکستان سونے کی قیمت عام آدمی کی قوت خرید سے باہر ہو گئی ہے، عام آدمی کے لئے سونا خریدنا انتہائی مشکل ہو گیا ہے۔
معاشی ماہرین کا کہنا ہے کہ رواں سال قیمت میں 57 فیصدسے زائد اضافہ ہو چکا ہے، ماہرین نے مرکزی بینکوں کی بڑی خریداری، گولڈ ایکسچینج فنڈز کی مانگ میں اضافے، کمزور ڈالر اور عالمی تجارتی و جغرافیائی کشیدگی کو سونا مہنگا ہونے کی بڑی وجہ قرار دیا ہے۔
عالمی مارکیٹ میں سونے کے نرخ بلند ترین سطح کو چھو گئے ہیں، فی اونس سونا 4358 کی سطح پر پہنچ چکا ہے،ماہرین کا کہنا ہے کہ سرمایہ کار موجودہ کشیدہ حالات میں سونا خرید کر اپنے پیسے کو محفوظ رکھنا چاہتے ہیں۔
سونا آج پھر مہنگا ہو گیا، قیمت 4 لاکھ 40 ہزار 900 کی سطح پر پہنچ گئی
