اسلام آباد: بھارت کی پاکستان کے خلاف عالمی مالیاتی ادارے (آئی ایم ایف) میں سبکی کے بعد فیٹف میں بھی ناکامی کا سامنا کرنا پڑ گیا۔ جبکہ پاکستان عالمی اعتماد کے ساتھ کامیابی کی راہ پر ہے۔
ذرائع کے مطابق بھارت کے سفارتی وفد کی بھرپور کوشش رہی کہ پاکستان کو فیٹف کے اجلاس میں ایک بار پھر گرے لسٹ میں شامل کرایا جائے۔ تاہم آج ہونے والے فیٹف اجلاس میں پاکستان کو گرے لسٹ میں رکھنے کی بجائے رپورٹنگ پر رکھنے کا فیصلہ کیا گیا۔
فیٹف فیصلے کے بعد بھارت اپنے مقاصد حاصل کرنے میں مکمل طور پر ناکام ہو چکا ہے۔ اجلاس کے دوران چین نے پاکستان کے حق میں واضح مؤقف اختیار کیا اور ریلیف کی حمایت کی۔ ترکی اور جاپان نے بھی پاکستان کی مکمل حمایت کی۔
ذرائع کے مطابق آپریشن “بنیان مرصوص” کے بعد بھارت نے پاکستان کو سفارتی سطح پر تنہا کرنے کے لیے بھرپور کوششیں کیں۔ پاکستان کےخلاف پروپیگنڈے کے لیے بھارتی خفیہ ایجنسی ’’را‘‘ پیش پیش رہی۔
بھارتی خفیہ ایجنسی ’’را‘‘ نے پاکستان کو بدنام کرنے کیلئے نئی دہلی میں ایک ڈس انفو لیب بھی قائم کی۔ اس ڈس انفو لیب کا مقصد پاکستان کے حوالے سے بین الاقوامی دنیا کو گمراہ کرنا ہے۔ اس ڈس انفو لیب کے ذریعے پاکستان کے خلاف جھوٹا اور من گھڑت پروپیگنڈا کیا جاتا ہے۔
یہ بھی پڑھیں: باہر بیٹھے نادان دوست ہمارے نہیں ملک کیخلاف بول رہے ہیں، عطا اللہ تارڑ
ذرائع کا کہنا ہے کہ بھارتی حکومت کے سفارتی وفود دنیا کے مختلف ممالک میں گئے۔ اور ہر جگہ پاکستان کے خلاف زہر افشانی کی گئی۔ دنیا کے کسی بھی ملک نے بھارت کے سفارتی وفد کے بیانیے کو پذیرائی نہیں دی۔
بھارت اسرائیل کی مدد سے ایف اے ٹی ایف کو پاکستان کیخلاف استعمال کرنے کی بھرپور کوشش کر رہا تھا۔ تاہم فیٹف کے رکن ممالک نے بھارت کے منفی پروپیگنڈے کو نظر انداز کیا۔
ذرائع کے مطابق بھارت کی تمام تر سازشوں کے باوجود پاکستان کو گرے لسٹ میں شامل نہ کرنا ایک بڑی کامیابی ہے۔ آپریشن “بنیان مرصوص” کے بعد سے پاکستان کی سفارتی پوزیشن مسلسل مضبوط ہو رہی ہے۔
ہندوتوا اور صہیونی لابی کی مشترکہ کوششیں بھی پاکستان کو گرے لسٹ میں شامل کروانے میں ناکام رہیں۔ یہ پاکستان کی سفارتی محاذ پر ایک اور کامیابی ہے۔
