پی سی بی کی جانب سے ہنگامی بنیادوں پر قومی کرکٹ ٹیم کیلئےغیر ملکی کوچز کی تلاش شروع کرنے کا فیصلہ کیا گیا ہے۔
جدید ترین ٹیکنالوجی کے حامل پاکستان کے نئے ٹینک حیدر کی نقاب کشائی
ذرائع کا کہنا ہے کہ سابق آسٹریلوی آل راؤنڈر اور پی ایس ایل 9 میں کوئٹہ گلیڈی ایٹرز کے کوچ شین واٹسن بھی پاکستان کرکٹ ٹیم کے کوچز کی دوڑ میں شامل ہوگئے ہیں۔
اعلیٰ عہدیداروں کی شین واٹسن سے کوچنگ کے معاملے پر بات ہو چکی ہے، شین واٹسن ہی پاکستان ٹیم کے کوچ کے لیے مضبوط امیدوار ہیں، وہ نیوزی لینڈ کے خلاف سیریز میں ذمہ داریاں سنبھال سکتے ہیں۔
جنوری میں ڈالرکی قدر میں کمی ، حکومتی قرضوں میں بھی کھربوں روپے کی کمی آگئی
ذرائع کے مطابق کوچنگ کے لیے ڈیرن سیمی بھی دوڑ میں شامل ہیں البتہ شین واٹسن کو کوچنگ کے لیے زیادہ فیورٹ قرار دیا گیا ہے۔کوچز کے حوالے سے جلد فیصلہ ہونے کا امکان ہے۔یاد رہے کہ پاکستان کرکٹ ٹیم کی اگلی اسائنمنٹ نیوزی لینڈ کے خلاف سیریز ہے۔
قبل ازیں یہ خبر آئی تھی کہ چیئرمین پی سی بی ٹی ٹوئنٹی ورلڈکپ کے لیے ایک مضبوط ٹیم منیجمنٹ بنانا چاہتے ہیں، اس حوالے سے وہ کرکٹ کے معاملات پر سابق کرکٹرز سے مشاورت کا ارادہ بھی رکھتے ہیں۔محسن نقوی نے تبدیلیوں کے حوالے سے اپنے ایک بیان میں یہ واضح کیا تھا کہ جو آتا ہے وہ اپنی کیبنٹ تو لاتا ہے۔
