ملک میں سیمنٹ کی کھپت اوربرآمدات میں اگست کے دوران سالانہ بنیادوں پرنموریکارڈکی گئی ہے۔
آل پاکستان سیمنٹ مینوفیکچررزایسوسی ایشن اورٹاپ لائن سیکورٹیز کے مطابق اگست 2023 میں سیمنٹ کی مقامی کھپت 3.52 ملین ٹن رہنے کاامکان ہے جو گزشتہ سال اگست کے مقابلہ میں 21 فیصدزیادہ ہے، گزشتہ سال اگست میں سیمنٹ کی مقامی کھپت کاحجم 2.91ملین ٹن ریکارڈکیا گیاتھا۔
سیمنٹ کی کھپت میں 57 فیصد اضافہ
جولائی کے مقابلہ میں اگست میں سیمنٹ کی مقامی کھپت میں 27فیصدکی نموریکارڈ کی گئی ہے۔اعدادوشمارکے مطابق اگست کے مہینہ میں ملک سے سیمنٹ کی برآمدات کاحجم 0.59 ملین ٹن رہنے کاامکان ہے جوگزشتہ سال اگست کے مقابلہ میں 53 فیصدزیادہ ہے۔
گزشتہ سال اگست میں سیمنٹ کی برآمدات کاحجم 0.39 ملین ٹن ریکارڈکیاگیاتھا،جولائی کے مقابلہ میں اگست میں سیمنٹ کی برآمدات میں ماہانہ بنیادوں پر36 فیصدکی نموریکارڈکی گئی ہے۔
