وفاقی حکومت نے یوٹیلیٹی سٹورز پر وزیراعظم کے 30 ارب روپے کے بڑے ریلیف پیکج کو جاری رکھنے کا فیصلہ کیا ہے۔
نجی ٹی وی اے آر وائی نیوز کے مطابق مہنگائی سے ستائے عوام کو ریلیف فراہم کرنے کے لیے وفاقی حکومت نے یوٹیلیٹی سٹورز پر وزیراعظم کا ریلیف پیکج جاری رکھنے کا فیصلہ کرلیا ہے۔
سالانہ بنیادوں پر مہنگائی کی شرح 34.05 فیصد تک پہنچ گئی
ذرائع کا کہنا ہے کہ اگلے مالی سال کیلئے یوٹیلیٹی اسٹورز پر وزیراعظم کے 30 ارب روپے کے بڑےریلیف پیکج کا اعلان کردیا گیا ہے۔
ریلیف پیکیج کے تحت آٹا ، گھی ، دالوں ، چاول،چینی پر سبسڈی دی جائیگی ۔
وزیراعظم کا نیا ریلیف پیکج ایک سال کےلئے ہوگا۔پچھلا ریلیف پیکیج 30 جون کو ختم ہوگیا تھا۔
