لاہور: نگران وزیراطلاعات پنجاب عامر میر نے الزام عائد کیا ہے کہ چیئرمین پاکستان تحریک انصاف عمران خان نے پی ٹی آئی کے 25 نام نہاد شہدا کے نام پر ساڑھے 5 لاکھ ڈالرز اینٹھے ہیں۔
عمران خان کی نیب ٹیم کے سامنے پیشی ، اندرونی کہانی سامنے آگئی
انہوں نے کہا کہ عمران خان نے فرضی لاشوں کا دعویٰ کر کے پھر سے اپنی جیب گرم کی، عمران خان نے پاکستانی امریکن کمیونٹی سے 5 لاکھ 34 ہزار ڈالرز بطور امداد لینا تسلیم کیا ہے۔
نگران وزیر اطلاعات پنجاب نے کہا کہ یہ فارن فنڈنگ بھی 9 مئی کی طرح انتشار اور فساد پھیلانے کیلئے استعمال ہوگی، 9 مئی کو پنجاب پولیس پر اسلحہ استعمال کرنے کی پابندی تھی۔
شیریں مزاری کا سیاست اور پی ٹی آئی چھوڑنے کا اعلان
عامر میر نے دعویٰ کیا کہ 25 افراد کی ہلاکت کا دعویٰ حالیہ تاریخ کا بڑا جھوٹ ہے۔
