روسی صدر پیوٹن کے وارنٹ گرفتاری جاری

روسی صدر پر قاتلانہ حملہ

ہیگ: انٹرنیشنل کریمنل کورٹ (آئی سی سی) نے روس کے صدر ولادیمیر پیوٹن کے وارنٹ گرفتاری جاری کردیے ہیں، ان کے وارنٹ یوکرین میں مبینہ طور پر جنگی جرائم میں ملوث ہونے کی بنا پر جاری کیے گئے ہیں۔

پیوٹن کو قریبی دوست قتل کردے گا، صدر زیلنسکی کی پیشن گوئی

عالمی خبر رساں ایجنسیوں کے مطابق ہیگ میں قائم عدالت نے اس حوالے سے جاری کردہ بیان میں کہا ہے کہ یوکرین کے مقبوضہ علاقوں سے روس میں بچوں کی غیر قانونی منتقلی اور ملک بدری کی وجہ سے پیوٹن کے وارنٹ گرفتاری جاری کیے گئے ہیں۔

آئی سی سی کے مطابق اس کے پاس اس بات پر یقین کیلئے ٹھوس وجوہات موجود ہیں کہ پیوٹن ان جرائم کے ذمہ دار ہیں۔

روس نے جوہری ہتھیاروں کا استعمال کیا تو امریکہ صدر پیوٹن کو قتل کرسکتا ہے، جان بولٹن

بین الاقوامی عدالت نے روسی صدر کے دفتر میں تعینات بچوں کے حقوق کی کمشنر ماریا لووا بیلووا کے بھی وارنٹ گرفتاری جاری کر دیے ہیں۔

روس کی وزارت خارجہ کی ترجمان ماریا زخارووا کا اس ضمن میں کہنا ہے کہ قانونی طور پر انٹرنیشنل کریمنل کورٹ کے فیصلوں کا ہمارے ملک کیلئے کوئی مطلب نہیں ہے۔

روسی صدر پیوٹن کے نقاد رکن پارلیمنٹ کی پراسرار موت

انہوں نے کہا کہ روس انٹرنیشنل کریمنل کورٹ کے آئین کو سلیم نہیں کرتا لہٰذا وہ اس عدالت کے کسی فیصلے کو ماننے کا پابند بھی نہیں ہے۔


متعلقہ خبریں