وفاقی کابینہ نے پی ایس ایل کی سیکیورٹی کیلئےفوج اور رینجرز کی تعیناتی کی منظوری دیدی ہے۔
ذرائع کے مطابق وفاقی کابینہ سے وزارت داخلہ کی سمری کی سرکولیشن کے ذریعے منظوری لی گئی، پنجاب، سندھ حکومتوں، اسلام آباد انتظامیہ نے تعیناتی کیلئے درخواست کی تھی ، پاکستان کرکٹ بورڈ نے پی ایس ایل کی سیکیورٹی کیلئے وزیر داخلہ کو خط بھی لکھا تھا۔
واضح رہے پی ایس ایل سیزن 8 کے میچز 13فروری سے19 مارچ تک شیڈول ہیں، پی ایس ایل کے میچز لاہور، ملتان، کراچی، راولپنڈی میں کھیلے جائیں گے۔
واضح رہے پی ایس ایل 8 کا آغاز آج سے لاہور اور ملتان میں ہوگا، افتتاحی میچ لاہور قلندرز اور ملتان سلطانز کے درمیان رات 8 بجے کھیلا جائے گا، ملتان کرکٹ اسٹیڈیم کے گیٹس شائقین کے لیے دوپہر 2 بجے کھولے جائیں گے۔
ملتان میں پی ایس ایل 8 کی افتتاحی تقریب شام 6 بجے شروع ہوگی، شائقین کے لیے فری بس سروس کا بھی انتظام کیا گیا ہے، 6 ہزار سے زائد اہلکار سیکیورٹی کے فرائض انجام دیں گے۔
