پاکستان سپر لیگ (پی ایس ایل) کے 13 ویں میچ میں کراچی کنگز نے پشاور زلمی کو 6 وکٹوں سے شکست دے دی۔
نیشنل اسٹیڈیم کراچی میں کھیلے جانے والے میچ میں کراچی کنگز نے پشاور زلمی کی جانب سے دیا گیا 189 رنز کا ہدف چار وکٹوں کے نقصان پر 19 ویں اوور میں حاصل کر لیا۔
“If there was a problem
Yo I’ll solve it”@MohammadNabi007 with another crucial 50!#HBLPSL6 | #MatchDikhao | #KKvPZ pic.twitter.com/4SuDYkONrf— PakistanSuperLeague (@thePSLt20) March 3, 2021
کراچی کنگز کی جانب سے بابراعظم اور محمد نبی نے عمدہ بلے بازی کا مظاہرہ کیا۔ بابراعظم 77 رنز بنا کر ناٹ آؤٹ رہے جب کہ محمد نبی نے 67 رنز کی اننگز کھیلی۔
Highest current scorer in #HBLPSL6
Highest all time scorer in #HBLPSL history.
50 today.
His majesty, Babar Azam.#HBLPSL6 | #MatchDikhao | #KKvPZ pic.twitter.com/T2ogb874Vw
— PakistanSuperLeague (@thePSLt20) March 3, 2021
اس سے پہلے کراچی کنگز نے ٹاس جیت کر پشاور زلمی کو پہلے بیٹنگ کی دعوت دی تھی۔ 34 کے مجموعی اسکور پر پشاور زلمی کے تین کھلاڑی پویلین لوٹ گئے تھے۔
کراچی کنگز کے خلاف پشاور زلمی کی پہلی وکٹ 30 رنز پر گری جب کامران اکمل 21 رنز بنا کر آؤٹ ہوئے، دوسری وکٹ کراچی کنگز کے عباس آفریدی نے ٹام کوہلر کیڈمور کی لی۔
یہ بھی پڑھیں: پی ایس ایل 6: اسلام آباد اور کوئٹہ کےدرمیان آج ہونے والا میچ ملتوی
زلمی کو 34 رنز پر تیسری وکٹ کا نقصان شعیب ملک کی صورت میں اُٹھانا پڑا، محمد الیاس نے شعیب ملک کو ایل بی ڈبلیو آؤٹ کر کے پویلین بھیجا۔
پشاور زلمی کے چوتھے آؤٹ ہونے والے کھلاڑی حیدر علی تھے۔ وہ 9 رنز بنا کر پویلین لوٹے۔
چار کھلاڑیوں کے جلد آؤٹ ہونے کے بعد روی بپارا اور شرفین ردرفورڈ نے اچھی بلے بازی کا مظاہرہ کرتے ہوئے اپنی ٹیم کے اسکور کو آگے بڑھایا۔ ردرفوڈ 46 رنز بنا کر آؤٹ ہوئے۔
آج دوسرے میچ میں ملتان سلطانز اور کوئٹہ گلیڈی ایٹرز شام سات بجے آمنے سامنے ہوں گے۔
یہ بھی پڑھیں: کوئٹہ گلیڈی ایٹرز نے ویو رچرڈز کی سالگرہ منائی
