وفاقی وزیر خزانہ محمد اورنگزیب نے کہا ہے کہ معاشی استحکام کے بعد ملک میں پائیدار ترقی کا سفر شروع ہو چکا ہے تاہم اس ہدف کے حصول کے لیے برآمدات میں اضافہ، نجی سرمایہ کاری کا فروغ اور مالیاتی نظم و ضبط ناگزیر ہیں۔
پاکستان بینکس ایسوسی ایشن کی تقریب سے ورچوئل خطاب کرتے ہوئے وفاقی وزیرخزانہ نے کہا کہ بینکوں کو نجی شعبے کے لیے قرضوں کی فراہمی آسان بنانا ہوگی کیونکہ چھوٹے کاروبار اور زرعی شعبے کا فروغ حکومت کی اولین ترجیحات میں شامل ہے۔
محمد اورنگزیب نے بتایا کہ پاکستان مرکزی بینک کے ذخائر کے ذریعے سرحد پار ادائیگیوں کے امکانات جبکہ بینک فار انٹرنیشنل سیٹلمنٹس (بی آئی ایس) کا منصوبہ بینک ڈپازٹس کا جائزہ لے رہا ہے۔
سب سے زیادہ پڑھی جانے والی
وفاقی وزیر خزانہ کا کہنا تھا کہ برآمدات بڑھائے بغیر معاشی خود کفالت کا ہدف حاصل نہیں کیا جا سکتا۔ مالیاتی نظم و ضبط، برآمدات میں اضافے اور نجی سرمایہ کاری کے فروغ کو یقینی بنانا ضروری ہے۔
انہوں نے بینکوں پر زور دیا کہ وہ نجی شعبے کو قرضوں کی فراہمی میں آسانی پیدا کریں تاکہ چھوٹے کاروبار اور زرعی شعبے کو ترقی کے مواقع مل سکیں۔
محمد اورنگزیب نے کہا کہ ورچوئل اثاثہ جات ایکٹ کے تحت پاکستان میں قانونی فریم ورک قائم کیا گیا ہے۔ ڈیجیٹل اثاثوں کو مالیاتی نظام میں جگہ حقیقی معاشی فوائد اور کاروبار میں آسانی کی بنیاد پر ملنی چاہیے۔
وفاقی وزیرخزانہ نے مزید بتایا کہ پیوارا (PVARA) ورچوئل اثاثہ خدمات فراہم کرنے والوں کی لائسنسنگ کی ذمہ دار ہے۔
پاکستان نے انٹربینک کنسورشیم کی 2027-2026 کیلئے قیادت سنبھال لی
دوسری جانب پاکستان کے سلطان علی نے شنگھائی تعاون تنظیم کے انٹربینک کنسورشیم کی 2027-2026 کیلئے چیئرمین شپ کا عہدہ سنبھال لیا۔
Pakistan Assumes Chairmanship of SCO Interbank Consortium
IslamabadPakistan has assumed the Chairmanship of the Shanghai Cooperation Organisation Interbank Consortium (SCO-IBC) for 2026–2027, with Mr. Sultan Ali Allana taking over as Chairman of the Consortium.
This coincides with Pakistan’s Chairmanship of the Shanghai Cooperation Organisation (SCO) for the same period, underscoring the country’s growing role in promoting regional trade, investment, financial connectivity and economic cooperation.
The Ministry of Finance congratulates Mr. Allana on assuming this important responsibility and reaffirms Pakistan’s commitment to strengthening economic partnerships among SCO member states, facilitating cross-border trade and investment, and advancing regional integration and shared prosperity.
— Ministry of Finance, Government of Pakistan (@Financegovpk) November 2, 2026
ترجمان وزارت خزانہ نے علاقائی ترقی اور مشترکہ خوشحالی کے فروغ کیلئے پاکستان کا تعاون جاری رکھنے کے عزم کا اعادہ کرتے ہوئے کہا کہ ایس سی او کی سربراہی اور انٹربینک کنسورشیم کی قیادت سنبھالنا اہم پیشرفت ہے۔
پاکستان کا علاقائی تجارت، سرمایہ کاری اورمالیاتی روابط کے فروغ میں کردارمستحکم ہوگا،پاکستان رکن ممالک کے درمیان اقتصادی شراکت داری مضبوط بنانے کیلئے پُرعزم ہے،علاقائی اقتصادی انضمام کا فروغ پاکستان کی ترجیحات میں شامل ہے۔
