فیلڈ مارشل سید عاصم منیر سے سنگاپور کے وزیر خارجہ ڈاکٹر ویوین بالاکرشنن نے جنرل ہیڈکوارٹرز (جی ایچ کیو) راولپنڈی میں ملاقات کی، جس میں باہمی دلچسپی کے امور، علاقائی اورعالمی سکیورٹی صورتحال پر تبادلہ خیال کیا گیا۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں علاقائی امن و استحکام اور پاکستان و سنگاپور کے درمیان دوطرفہ تعاون کو مزید فروغ دینے کے امکانات پر بھی گفتگو ہوئی۔
ملاقات کے دوران دونوں جانب سے پاکستان اورسنگاپور کے درمیان ادارہ جاتی روابط اور تعمیری تعاون بڑھانے کی اہمیت پر زور دیا گیا۔
سب سے زیادہ پڑھی جانے والی
فریقین نے اس عزم کا اظہار کیا کہ دونوں ممالک کے درمیان موجود دوستانہ تعلقات کو مزید مضبوط بنانے کے لیے مشترکہ کوششیں جاری رکھی جائیں گی۔
Minister of Foreign Affairs of Singapore Dr. Vivian Balakrishnan called on Chief of Army Staff and Chief of Defence Forces Field Marshal Syed Asim Munir in Rawalpindi today. During the meeting, matters of mutual interest, evolving regional and global security dynamics and avenues for enhancing bilateral cooperation were discussed
@OfficialDGISPR #News #RadioPakistan
https://t.co/IMDeXQfKrI— Radio Pakistan (@RadioPakistan) October 30, 2026
آئی ایس پی آر کے مطابق فیلڈ مارشل سید عاصم منیر نے سنگاپور کے ساتھ تعلقات کو مزید مستحکم بنانے کے پاکستان کے عزم کا اعادہ کیا اورمختلف شعبوں میں دوطرفہ تعاون کے فروغ کی اہمیت پر زوردیا۔
اس موقع پر سنگاپور کے وزیر خارجہ ڈاکٹر ویوین بالاکرشنن نے بھی پاکستان کے ساتھ دوطرفہ تعلقات کو مزید آگے بڑھانے کے عزم کا اظہار کیا۔
سنگاپور کے وزیر خارجہ نے پاکستان کی مسلح افواج کی پیشہ ورانہ صلاحیتوں کو سراہتے ہوئے علاقائی امن و استحکام کے لیے پاکستان کی خدمات کا اعتراف بھی کیا۔
ملاقات میں اس بات پراتفاق کیا گیا کہ خطے میں امن، استحکام اورسلامتی کے فروغ کے لیے دونوں ممالک کے درمیان تعاون اورروابط کو مزید وسعت دینا اہمیت کا حامل ہے۔
