روس کا ایس یو 30 لڑاکا طیارہ کیلینن گراڈ کے علاقے میں گر کر تباہ ہوگیا تاہم طیارے میں سوار عملے کے ارکان بحفاظت باہر نکلنے میں کامیاب ہوگئے۔
خبر رساں ادارے رائٹرز کے مطابق روسی خبر رساں ادارے انٹرفیکس نے بدھ کو وزارت دفاع کے حوالے سے بتایا کہ لڑاکا طیارہ تربیتی پرواز کے دوران حادثے کا شکار ہوا۔
خیال رہے کہ اس سے چند گھنٹے قبل فرانس میں میراج 2000 ڈی جنگی طیارہ تربیتی پرواز کے دوران حادثے کا شکار ہوکر گر کر تباہ ہوگیا تھا جس کے نتیجے میں عملے کا ایک رکن ہلاک ہوگیا یہ حادثہ فرانس کے شمال مشرقی علاقے میں پیش آیا تھا۔
سب سے زیادہ پڑھی جانے والی
روسی وزارت دفاع کے مطابق حادثے کے بعد طیارے کا عملہ پیراشوٹ کے ذریعے بحفاظت باہر نکل گیا جبکہ واقعے میں کسی جانی نقصان کی اطلاع نہیں ملی۔
وزارت دفاع نے طیارہ گرنے کی تصدیق کرتے ہوئے حادثے کی وجہ نہیں بتائی، حکام کی جانب سے فوری طور پر یہ واضح نہیں کیا گیا کہ تربیتی پرواز کے دوران طیارے کو کس نوعیت کی خرابی یا مسئلے کا سامنا کرنا پڑا۔
کیلینن گراڈ روس کا ایک خطہ ہے جو ملک کے مرکزی حصے سے الگ اور بحیرہ بالٹک کے ساحل پر واقع ہے۔
ایس یو 30 روسی ساختہ کثیرالمقاصد لڑاکا طیارہ ہے، جسے فضائی لڑائی اور مختلف فوجی کارروائیوں کے لیے استعمال کیا جاتا ہے۔
مقاتلة Su-30SM روسية 🇷🇺 وقعت النهارده في منطقة Chernyakhovsk في كالينينغراد، والطيارين الاتنين نطّوا بالـ ejection بس اتصابوا واتنقلوا المستشفى، وسبب السقوط لسه مش معروف — حسب Interfax https://t.co/HM1uT7IlCd
— منتدى الشرق الأوسط للعلوم العسكرية (@Memiltary) October 21, 2026
حادثے سے متعلق مزید تفصیلات سامنے نہیں آئیں جبکہ طیارے کے تباہ ہونے کی وجوہات کے حوالے سے بھی روسی وزارت دفاع نے کوئی وضاحت جاری نہیں کی۔
رائٹرز کے مطابق روسی حکام نے واقعے میں کسی جانی نقصان کی اطلاع نہیں دی اور بتایا کہ طیارے کا عملہ محفوظ رہا۔
