پاکستان نے دوسرے ٹی ٹوئنٹی انٹرنیشنل میں سری لنکا کو 82 رنز سے شکست دے کر تین میچز کی سیریز میں 0-2 کی فیصلہ کن برتری حاصل کرلی۔
راولپنڈی میں کھیلے گئے میچ میں قومی ٹیم نے پہلے بیٹنگ کرتے ہوئے 3 وکٹوں کے نقصان پر 215 رنز بنائے، جس کے جواب میں سری لنکن ٹیم مقررہ 20 اوورز میں 7 وکٹوں پر 133 رنز بنا سکی۔
پاکستان کی جانب سے معاذ صداقت نے شاندار بیٹنگ کا مظاہرہ کرتے ہوئے صرف 51 گیندوں پر 96 رنز کی دھواں دار اننگز کھیلی۔ ان کی اننگز میں 6 چوکے اور 7 چھکے شامل تھے۔ وہ محض 4 رنز کی کمی سے سنچری مکمل نہ کرسکے، تاہم ان کی شاندار کارکردگی پر انہیں میچ کا بہترین کھلاڑی قرار دیا گیا۔
سب سے زیادہ پڑھی جانے والی
کپتان صاحبزادہ فرحان نے بھی جارحانہ بیٹنگ کرتے ہوئے 44 گیندوں پر 73 رنز اسکور کیے، ان کی اننگز میں 4 چوکے اور 5 چھکے شامل تھے، فخر زمان نے 17 گیندوں پر 22 رنز بنائے، جبکہ حسن نواز 9 گیندوں پر 19 رنز بنا کر ناٹ آؤٹ رہے۔
An 8️⃣2️⃣-run demolition seals the series! 🔥🇵🇰
Fifth successive T20I series win at home for Pakistan 💪
#PAKvSL | #CricketKaJashan | #BackTheBoysInGreen https://t.co/RY6DrqVOAS
— Pakistan Cricket (@TheRealPCB) October 11, 2026
پاکستان نے اننگز کے دوران ابتدا سے ہی رنز بنانے کی رفتار تیز رکھی اور سری لنکن بولرز کو دباؤ میں رکھا، معاذ صداقت اور صاحبزادہ فرحان کی عمدہ بیٹنگ نے پاکستان کو بڑے مجموعے تک پہنچانے میں اہم کردار ادا کیا۔
216 رنز کے ہدف کے تعاقب میں سری لنکا کی بیٹنگ ابتدا ہی سے مشکلات کا شکار رہی، لہیرو اودارا 5، سینیٹھ جے وردھنے 22 اور کپتان کوشل مینڈس 9 رنز بنا کر آؤٹ ہوئے۔ کمنڈو مینڈس نے 23 رنز بنائے، جبکہ ساہان آراچیگے کھاتہ کھولے بغیر پویلین لوٹ گئے۔
Maaz Sadaqat took on the Sri Lanka bowlers with a blazing 9️⃣6️⃣ 🔥🏏
He earns his first player of the match award in T20Is 💫
#PAKvSL | #BackTheBoysInGreen | #CricketKaJashan https://t.co/dQdv2MHob0
— Pakistan Cricket (@TheRealPCB) October 11, 2026
داسن شناکا 9 رنز بنا کر آؤٹ ہوئے، جبکہ چامندو وکرماسنگھے نے 24 گیندوں پر 29 رنز کی مزاحمت کی۔ مہیش تھیکشانا 26 گیندوں پر 32 رنز بنا کر ناٹ آؤٹ رہے، تاہم سری لنکن ٹیم مطلوبہ ہدف حاصل کرنے میں ناکام رہی۔
𝐌𝐀𝐀𝐙 𝐒𝐀𝐃𝐀𝐐𝐀𝐓 – 𝐒𝐈𝐗-𝐇𝐈𝐓𝐓𝐈𝐍𝐆 𝐏𝐇𝐄𝐍𝐎𝐌 💫
Astonishing striking witnessed by fans in Pindi 🙌
#PAKvSL | #BackTheBoysInGreen | #CricketKaJashan https://t.co/TW8fjwRgjS
— Pakistan Cricket (@TheRealPCB) October 11, 2026
پاکستان کی جانب سے محمد عمران نے بہترین بولنگ کرتے ہوئے 4 اوورز میں صرف 11 رنز دے کر 3 وکٹیں حاصل کیں۔
سلمان مرزا نے 2 کھلاڑیوں کو آؤٹ کیا، جبکہ شاداب خان اور صائم ایوب نے ایک، ایک وکٹ حاصل کی۔
Randhawa special in Rawalpindi 🤩
Superb bowling to derail the Sri Lanka batting ⚡
#PAKvSL | #BackTheBoysInGreen | #CricketKaJashan https://t.co/iVhkPxOAE0
— Pakistan Cricket (@TheRealPCB) October 11, 2026
پاکستان کی اس کامیابی میں بیٹنگ اور بولنگ دونوں شعبوں نے اہم کردار ادا کیا۔ معاذ صداقت اور صاحبزادہ فرحان کی جارحانہ اننگز کے بعد محمد عمران کی مؤثر بولنگ نے سری لنکا کو ہدف سے دور رکھا اور پاکستان کو 82 رنز سے فتح دلائی۔
اس کامیابی کے ساتھ پاکستان نے دوسرے ٹی ٹوئنٹی میں فتح حاصل کرکے سیریز بھی اپنے نام کرلی۔
Rawalpindi fans, get ready for more cricketing action as the ODI tri-series approaches 🇵🇰🏏
🎟️ Book your tickets online at https://t.co/r1Y5gXqKt8
Physical tickets go on sale at designated TCS Express Centres from 14 October 🗓️
#CricketKaJashan | #PAKvSL | #PAKvENG https://t.co/DVI64u1CFN
— Pakistan Cricket (@TheRealPCB) October 11, 2026
اسپیکر قومی اسمبلی کی قومی کرکٹ ٹیم کو سیریز جیتنے پر مبارکباد
اسپیکر قومی اسمبلی سردارایاز صادق نے سری لنکا کے خلاف ٹی ٹوئنٹی سیریز جیتنے پر قومی کرکٹ ٹیم کو مبارکباد دیتے ہوئے کھلاڑیوں کے لیے نیک خواہشات کا اظہار کیا ہے۔
قومی اسمبلی سیکریٹریٹ کے مطابق سردار ایاز صادق نے کہا کہ قومی کرکٹ ٹیم نے سری لنکا کے خلاف ٹی ٹوئنٹی سیریز کے پہلے دو میچز میں شاندار کھیل کا مظاہرہ کیا۔ انہوں نے بیٹنگ، باؤلنگ اور فیلڈنگ کے شعبوں میں قومی کھلاڑیوں کی کارکردگی کو سراہا۔
اسپیکر قومی اسمبلی کا کہنا تھا کہ پاکستانی کرکٹ ٹیم میں دنیا کی کسی بھی ٹیم کو شکست دینے کی بھرپور صلاحیت موجود ہے۔ انہوں نے امید ظاہر کی کہ قومی کرکٹ ٹیم مستقبل میں بھی اپنی شاندار کارکردگی کا تسلسل برقرار رکھے گی اور ملک کا نام روشن کرتی رہے گی۔
