اسلام آباد پولیس نے پاکستان اور سری لنکا کی کرکٹ ٹیموں کی آمد و رفت کے پیش نظر ٹریفک ایڈوائزری جاری کر دی ہے۔
پاکستان اور سری لنکا کے مابین 2 ٹیسٹ میچوں کی سیریز کھیلی جارہی ہے۔ سیریز کا پہلا ٹیسٹ 9 سے 13 نومبر تک راولپنڈی کرکٹ اسٹیڈیم میں کھیلا جائے گا جبکہ دوسرا ٹیسٹ 17 سے 21 نومبر تک لاہور کے قذافی اسٹیڈیم میں ہوگا۔
اسلام آباد پولیس کے ترجمان کے مطابق ٹیموں کی آمد و رفت کے دوران سری نگر ہائی وے پر سرینا چوک سے نائنتھ ایونیو تک مختلف مقامات پر ٹریفک کا رخ موڑا جائے گا۔
یہ بھی پڑھیں
ٹریفک ایڈوائزری /مورخہ 07 نومبر 2026
کرکٹ ٹیموں کی آمدورفت کے سلسلہ میں ایکسپریس ہائی وے، سری نگر ہائی وے پر مختلف مقامات پر ڈائیورشنز ہوں گی۔
1۔ سری نگرہائی وے سرینہ چوک تا نائنتھ ایونیو تک مختلف مقامات پر ڈائیورشن ہوگی۔
سری نگر ہائی وے والی ٹریفک سہروردی روڈ، سروس روڈ جی ایٹ، سروس روڈ جی نائن، زیرو پوائنٹ اور فیض آباد والی ٹریفک فیصل ایونیو جبکہ نائنتھ ایونیو والی ٹریفک سروس روڈ ایسٹ استعمال کریں۔
2۔ کورال سے اسلام آباد آنے والے شہری پرانا ائیرپورٹ، راول روڈ، راولپنڈی مری روڈ آئی جے پی سے فقیر ایپی روڈ استعمال کریں)۔
3۔ کورال ایکسپریس ہائی وے، مری روڈ، کلب روڈ بندہونے کی صورت میں
متبادل
( لہتراڑ روڈ، پارک روڈ استعمال کریں۔4۔ اسی طرح اسلام آباد سے باہر جانے والے شہری جناح ایونیو اور مارگلہ روڈ استعمال کریں۔
5- بہارہ کہو سے اسلام آباد آنے والے شہری بنی گالا ،پارک روڈ استعمال کریں۔
ڈائیورشنز کے دوران شاہراوں پر ٹریفک کا دباو بڑھنے کا امکان ہے۔
شہری سفر کے لئے 20 سے 25 منٹ اضافی وقت کے ساتھ نکلیں۔
#IslamabadPolice #ITP— Islamabad Police (@ICT_Police) November 7, 2026
وفاقی پولیس کی جانب سے سری نگر ہائی وے استعمال کرنے والے شہریوں کو سہروردی روڈ، جی ایٹ، جی نائن سروس روڈ استعمال کرنے کی ہدایت کی گئی ہے جبکہ زیرو پوائنٹ اور فیض آباد جانے والی ٹریفک فیصل ایونیو اور نائنتھ ایونیو جانے والی ٹریفک کو سروس روڈ ایسٹ استعمال کرنے کا کہا گیا ہے۔
پولیس کے مطابق کورال سے اسلام آباد آنے والے شہری پرانے ایئرپورٹ، راول روڈ، مری روڈ، آئی جے پی روڈ اور فقیر ایپی روڈ استعمال کریں گے۔ پولیس کی جانب سے کورال، ایکسپریس ہائی وے، مری روڈ اور کلب روڈ بند ہونے کی صورت میں شہریوں کو لہتراڑ روڈ اور پارک روڈ استعمال کرنے کی ہدایت کی گئی ہے۔
وفاقی پولیس نے اسلام آباد سے باہر جانے والے شہریوں کو جناح ایونیو اور مارگلہ روڈ جبکہ بہارہ کہو سے اسلام آباد آنے والے شہریوں کو بنی گالہ اور پارک روڈ کا راستہ اختیار کرنے کی ہدایات کی ہے۔
ترجمان اسلام آباد پولیس نے کہا ہے کہ ڈائیورشنز کے باعث مختلف شاہراہوں پر ٹریفک کا دباؤ بڑھنے کا امکان ہے اس لیے شہری سفر کے لیے 20 سے 25 منٹ اضافی وقت رکھ کر گھروں سے نکلیں۔
ترجمان کے مطابق اسلام آباد ٹریفک پولیس کے افسران شہریوں کی رہنمائی اور سہولت کے لیے مختلف مقامات پر موجود ہوں گے، شہری مزید معلومات کے لیے اسلام آباد پولیس کے سوشل میڈیا پیجز سے رجوع کر سکتے ہیں۔
واضح رہے کہ سری لنکا کے خلاف ٹیسٹ سیریز کی تیاریوں کے سلسلے میں پاکستانی کھلاڑیوں نے اسلام آباد کلب میں جمعہ کے روز سے ٹریننگ سیشن کا آغاز کر دیا تھا۔
