دبئی میں جاری ویمن ٹی ٹوئنٹی ایشیا کپ کے اہم میچ میں پاکستان ویمن ٹیم نے ہانگ کانگ کو جیت کے لیے 144 رنز کا ہدف دے دیا۔
پاکستان نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 143 رنز بنائے۔
قومی ٹیم کی جانب سے شوال ذوالفقار نے شاندار بیٹنگ کا مظاہرہ کرتے ہوئے 35 گیندوں پر 47 رنز بنائے، ان کی اننگز میں 6 چوکے شامل تھے۔
سب سے زیادہ پڑھی جانے والی
عائشہ ظفر نے 19 گیندوں پر 26 رنزبنائے جبکہ کپتان فاطمہ ثنا نے ذمہ دارانہ بیٹنگ کرتے ہوئے 24 رنز بنائے اور آخر تک ناٹ آؤٹ رہیں، فاطمہ ثنا نے اپنی اننگز میں 2 چھکے بھی لگائے۔
توبا حسن نے 13 گیندوں پر14 رنز کی اننگز کھیلی جبکہ پاکستان کی دیگر بیٹرز بڑی اننگز کھیلنے میں ناکام رہیں۔
منیبہ علی 6، گل فیروزہ 3، صدف شمس 5، ایمان فاطمہ ایک اور امِ ہانی ایک رن بنا کر آؤٹ ہوئیں، نَشرا سندھو 3 رنز کے ساتھ ناٹ آؤٹ رہیں۔
ہانگ کانگ کی جانب سے جویلین کور نے شاندار باؤلنگ کرتے ہوئے 4 وکٹیں حاصل کیں، جبکہ اقرا سحر اور کاری چان نے 2،2 کھلاڑیوں کو آؤٹ کیا۔
پاکستان کی جانب سے دیا گیا 144 رنز کا ہدف ہانگ کانگ کے لیے اہم امتحان ہوگا، میچ میں فتح پاکستان کے لیے ایشیا کپ میں انتہائی اہم ثابت ہوسکتی ہے۔
خیال رہے کہ پاکستان ویمن ٹیم نے ایشیا کپ کے پہلے میچ میں تھائی لینڈ کو شکست دی تھی جبکہ دوسرے میچ میں روایتی حریف بھارت نے قومی ٹیم کو 7 وکٹوں سے شکست دی تھی۔
