لاہور: وفاقی وزیر خزانہ محمد اورنگزیب نے کہا ہے کہ ہمیں بدلتی ٹیکنالوجی کے ساتھ خود کو بھی بدلنا ہو گا۔
وفاقی وزیر خزانہ محمد اورنگزیب نے تقریب سے خطاب کرتے ہوئے کہا کہ ٹیکس پالیسی اور ٹیکس نظام کی بہتری کے لیے مل کر کام کر رہے ہیں۔ اور فیڈرل بورڈ آف ریونیو (ایف بی آر) میں بہتری کے لیے نئے ماڈل متعارف کرا رہے ہیں۔
انہوں نے کہا کہ ایف بی آر میں اصلاحات اور کیش لیس اکانومی پر کام کر رہے ہیں۔ اور ہم سب مل کر ادارے میں تبدیلی لے کر آئیں گے۔ عوام کے لیے آسانیاں حکومت کی اولین ترجیح ہے۔
محمد اورنگزیب نے کہا کہ ایف بی آر میں اصلاحات پروگرام نہایت اہم ہے اور تمام پارٹنرز کے مشکور ہیں۔ جبکہ ادارے میں تبدیلی کے ثمرات نظر آنا شروع ہو گئے ہیں۔ انڈسٹری اور مارکیٹ کی صورتحال میں بہتری ترجیح ہے۔
انہوں نے کہا کہ آج مصنوعی ذہانت کا دور ہے۔ اور ایف بی آر افسران کو اس سے فائدہ اٹھانا ہے۔ چینی اور سیمنٹ کے شعبے میں ٹیکس میں اضافہ ہوا ہے۔
یہ بھی پڑھیں: ایف بی آر کے آن لائن سسٹمز کب اور کیوں بند ہوں گے؟ مکمل شیڈول جاری
وفاقی وزیر نے کہا کہ اداروں کے ساتھ مل کر اپنے ڈیٹا بیسز کو بہتر بنا رہے ہیں۔ اور ہمیں بدلتی ٹیکنالوجی کے ساتھ خود کو بھی بدلنا ہو گا۔
