امریکی صدر ڈونلڈ ٹرمپ نے کہا ہے کہ ایران معاہدے کیلیے بے تاب ہے ، ایران نیوکلیئر ہتھیار نہیں رکھ سکتا۔ اس کی اجازت نہیں دینگے۔
ڈونلڈ ٹرمپ کا کہنا تھا کہ ایران کی نیوی، فضائیہ کچھ نہیں بچا ،ایران کی معیشت تباہ ہو چکی ہے ، ہمارے خوبصورت بی ٹو بمبار طیاروں نے انکی نیوکلیئر تنصیبات تباہ کر دیں۔
ایران کیخلاف طویل المدتی ناکہ بندی کی تیاری کریں ، ٹرمپ کی مشیروں کو ہدایت
انہوں نے کہا کہ ایران کے ساتھ وینزویلا والا کام کر رہے ہیں ، سب بہترین جا رہا ہے ، ایران کے 159 بحری جہاز سمندر کی تہہ میں ہیں ، ایران نے 42 ہزار افراد کو مارا ، ابھی 8 خواتین کو پھانسی دینے والے تھے ، میں نے ان 8 خواتین کی جان بچائی۔
انہوں نے مزید کہا کہ گزشتہ جون کے حملوں نے ایران کی جوہری صلاحیت تباہ کر دی ، ہم نہیں جانتے ایران میں حکومت کون کرتا ہے ، ایران جنگ ختم ہوتے ہی تیل اور گیس کی قیمتوں میں کمی ہو جائے گی۔
ان کا کہنا تھا کہ نیٹو ممالک نے ہماری مدد نہیں کی ، جرمن چانسلر بری کارکردگی دکھا رہے ہیں ، ہو سکتا ہے،جرمنی ، اٹلی اور اسپین سے امریکی فوج نکال لیں۔
ایران نے بتا دیا وہ تباہی کے دہانے پر ہے ، وہ چاہتا ہے امریکا جلد آبنائے ہرمز کھول دے ، صدر ٹرمپ
امریکی صدر نے کہا کہ میں نے 8 جنگیں رکوائیں ، پاکستان اور بھارت کی جنگ بہت بڑی تھی ، میں نے وہ بڑی جنگ رکوائی۔
