سری لنکا، بھارتی ویمن کرکٹ ٹیم کی نوجوان بائیں ہاتھ کی اسپنر ویشنوی شرما نے سری لنکا کے خلاف چوتھے ٹی ٹوئنٹی میچ کے دوران ایک دلچسپ اور بے ساختہ لمحہ پیدا کردیا۔
پانچ میچوں کی سیریز میں اس دوران ویشنوی نے نہ صرف شاندار بولنگ کی بلکہ ایک غیر متوقع لمحے کی وجہ سے مداحوں کی توجہ بھی حاصل کی۔
Vaishnavi Sharma 🤣🤣🤣 pic.twitter.com/kHw6DBA9aD
— Mamta Jaipal (@ImMD45) December 29, 2025
چوتھے میچ کے دوران سری لنکا کی اننگز کے 15ویں اوور کی تیسری گیند پر ایک ممکنہ رن آؤٹ کا موقع ضائع ہو گیا، جس پر ویشنوی نے تیزی سے گیند وکٹ کیپر کی جانب پھینکی لیکن بلے باز کریز تک پہنچنے میں کامیاب رہا۔
اسی لمحے جوش میں وہ کیمرے کے سامنے زیرِ لب ایک گالی کہہ بیٹھی، جو فوراً سوشل میڈیا پر وائرل ہو گئی۔
سمیرمنہاس نے ایک اور کارنامہ انجام دیدیا
جب انہیں احساس ہوا کہ یہ لمحہ بڑی اسکرین پر دکھایا جا رہا ہے، تو ویشنوی نے فوراً منہ پر ہاتھ رکھ لیا اور شرمندہ سی مسکراہٹ کے ساتھ ردعمل دیا۔ اس جذباتی لمحے نے اسٹیڈیم میں موجود تماشائیوں کو محظوظ کیا اور مداحوں کے درمیان مزاحیہ تبصرے پیدا کر دیے۔
یہ واقعہ نوجوان کھلاڑی کے جوش اور کھیل کے دوران انسانی جذبات کی عکاسی کرتا ہے، اور مداحوں نے اسے سراہا کیونکہ ویشنوی نے اپنے ردعمل کے بعد فوری طور پر کھیل پر فوکس کیا۔
