پاکستان کی بہادر افواج نے بھارت کی جانب سے جاری جارحیت کے جواب میں جوابی کارروائیاں مزید تیزکر دی ہیں۔
سیکیورٹی ذرائع کے مطابق آپریشن “بنیان مرصوص” کے تحت پاک افواج نے نگروٹا میں موجود براہموس میزائل اسٹوریج سائٹ کو کامیابی سے نشانہ بنایا اور مکمل طور پرتباہ کر دیا۔
اُڑی میں بھارتی بریگیڈ ہیڈکوارٹر اور سپلائی ڈپو تباہ، بھارت میں بجلی کا بڑا بریک ڈاؤن
اس کے ساتھ ہی دہرنگیاری کے علاقے میں بھارتی آرٹلری گن پوزیشن کو بھی نشانہ بنایا گیا، جس سے بھارتی فورسز کو شدید نقصان اٹھانا پڑا۔
ذرائع کا کہنا ہے کہ یہ اہداف دشمن کی جنگی صلاحیت کے اہم مراکز تھے جن کی تباہی سے بھارتی فوج کی کارروائیوں میں واضح رکاوٹ پیدا ہوئی ہے۔
مزید بتایا گیا ہے کہ پاک افواج کی جانب سے دشمن کے دیگرعسکری اہداف کو بھی مسلسل نشانہ بنایا جا رہا ہے، متعدد مقامات سے دشمن کے جانی و مالی نقصان کی اطلاعات موصول ہو رہی ہیں۔
