آزاد، خودمختار اور ذمہ دار میڈیا ہی وہ طاقت ہے جو حکمرانوں کو جوابدہ بناتا ہے، مریم نواز

وزیراعلیٰ پنجاب مریم نواز نے یومِ آزادی صحافت پر پیغام میں کہا ہے کہ آزاد، خودمختار اور ذمہ دار میڈیا ہی وہ طاقت ہے جو حکمرانوں کو جوابدہ بناتا ہے۔

وزیراعلیٰ پنجاب نے کہا کہ آزادی صحافت جمہوری معاشرے کی بنیاد اور زندہ قوم کی پہچان ہے، آزادی صحافت کے لئے صحافی برادری کی کاوشیں اور قربانیاں قابل تحسین ہیں۔

ہم پرامن پڑوسی چاہتے ہیں، ہماری امن کی خواہش کو کمزوری نہ سمجھا جائے، پاکستان

انہوں نے کہا کہ جمہوریت اور آزادی صحافت ایک دوسرے سے جُڑے ہوئے ہیں، صحافت آزاد اور ذمہ دار ہو تو جمہوریت مضبوط ہوتی ہے۔

وزیراعلیٰ نے کہا کہ آزادی صحافت کی جدوجہد میں ساتھ ہیں، صحافیوں کے تحفظ کے لئے بھرپور اقدامات کو بھی یقینی بنا رہے ہیں، صحافی برادری کیلئے ”اپنے گھر“ کا خواب پورا کرنے کیلئے کوشاں ہیں، جمہوریت کی سر بلندی کے سفر میں اہل صحافت کے ساتھ ہیں۔