بھارت سے کراچی آئے ماہرین صحت نے پاکستان کو بھارتی شہریوں کیلئے محفوظ قرار دے دیا۔
تیرہویں سارک ای این ٹی کانفرنس میں بھارت سے 5 ماہرین صحت شرکت کے لیے پاکستان آئے ہیں ۔
پروفیسر کے پی موروانی نے کہا کہ پاکستان اتنا ہی محفوظ ہے جتنا بھارت کا کوئی اور شہر، پاکستانی اتنی مہمان نوازی کرتے ہیں کہ شرمندگی ہوتی ہے،میرے والدین سندھ سے ہجرت کر کے گئے تھے، آج اپنی جنم بھومی پر واپس آیا ہوں۔
میٹا کا انسانی حقوق کے تحفظ کیلئے پاکستانی حکام سے مل کر کام کرنے کا عزم
پروفیسر پاٹل نے کہا کہ سال 2006 میں ڈیڑھ گھنٹے میں بمبئی سے کراچی آگئے تھے، اس بارممبئی سے کراچی بحرین کے راستے آنے میں 12 گھنٹے لگے۔
ای این ٹی پروفیسر تنیجا کا کہنا تھا پاکستان میں آکر اردو بولنے اور سننے سے کان سیراب ہو رہے ہیں۔
بھارتی ماہرین صحت کا کہنا ہے کہ پاکستان اور بھارت کے عوام اور ماہرین کے ملنے کے مواقع بڑھائے جانے چاہئیں۔آرگنائزنگ سیکرٹری سارک ای این ٹی کانفرنس پروفیسر سمیر قریشی کا کہنا ہے کہ میں افغانستان سمیت سارک ممالک اوردنیا بھر سے 30 غیر ملکی مندوبین شامل ہیں۔
