سینیٹر فیصل واوڈا نے کہا ہے کہ پی ٹی آئی کی پشت پناہی میں بہت خطرناک کھیل کھیلا جارہا ہے،سب جارحانہ بیٹنگ کر رہے ہیں۔
فیصل واوڈا نے نجی ٹی وی سے گفتگو کرتے ہوئے کہا کہ سابق چیئرمین پی ٹی آئی جلد رہا ہوتے نظر نہیں آرہے،جارحانہ بیٹنگ کرنے والا جلد آؤٹ ہو جاتا ہے۔ انہوں نے کہا کہ اگر ٹکراؤ کی صورتحال بنتی ہے تو اس سے نقصان صرف پاکستان کا ہو گا،پرسوں کے بیانیہ کے بعد صورتحال خطرناک ہو گئی ہے،مجھے لگ رہا ہے کہ پارٹی پابندی کی طرف نہ چلی جائے۔
ذوالحج کا چاند 7جون کو نظر آنے کا قوی امکان
انہوں نے کہا کہ تحریک انصاف کی پشت پناہی میں بہت خطرناک کھیل کھیلا جارہا ہے، ہر کوئی جارحانہ بیٹنگ کر رہا ہے، سب کی اپنی اپنی فائلیں ہیں، سب اپنی چیزوں کو چھپا رہے ہیں،سب کی وکٹیں گرنے والی ہیں،ان میں سے کوئی بھی ایسا نہیں ہے جو پاکستان کیلئے لڑ رہا ہو۔
فیصل واوڈاکا مزید کہنا تھا کہ سابق چیئرمین پی ٹی آئی سےیہ پوچھا جانا چاہیے کہ ویڈیو ان کی مرضی سے جاری ہوئی ہے؟۔ ملک کی جو صورتحال ہےایسے میں سابق چیئرمین تحریک انصاف اور میاں نواز شریف مل جائیں تب بھی ملک کے مسائل حل نہیں ہو سکتے۔
