آزاد کشمیر کے آئی جی پولیس سہیل حبیب تاجک کو عہدے سے ہٹا کر اسٹیبلشمنٹ ڈویژن رپورٹ کرنے کی ہدایت کی گئی ہے۔
اسٹبلشمنٹ ڈویژن کی جانب سے جاری اعلامیے کے مطابق سہیل حبیب تاجک کی جگہ عبدالجبار کو آئی جی آزاد کشمیر پولیس تعینات کر دیا گیا ہے۔
آزاد کشمیر میں ہڑتال ختم ، 3 افراد کی ہلاکت پر آج سوگ کا اعلان
عبدالجبار کی تعیناتی کا باقاعدہ نوٹیفکیشن بھی جاری کیا گیا ہے، گریڈ 20 کے عبدالجبار ایف آئی اے میں تعینات تھے۔
سہیل حبیب تاجک کو رواں سال ہی انسپکٹر جنرل پولیس آزاد کشمیر تعینات کیا گیا تھا، سہیل حبیب تاجک پولیس سروس گریڈ 21 کے افسر ہیں۔
آزاد کشمیر میں مہنگائی کیخلاف احتجاج، جھڑپیں، پولیس افسر شہید
واضح رہے کہ گزشتہ دنوں آزاد کشمیر کے عوام نے مہنگی بجلی اور ٹیکسز کے خلاف احتجاج کیا تھا ، ہڑتال کے دوران تصادم کے باعث متعدد مظاہرین اور پولیس اہلکار زخمی ہوئے جبکہ فائرنگ سے ایک سب انسپکٹر بھی جاں بحق ہوا تھا۔
