ویرات کوہلی کا کرکٹ سے ریٹائرمنٹ کا عندیہ

ویرات کوہلی virat kohli

کامیاب ترین بھارتی بلے باز ویرات کوہلی نے کرکٹ سے ریٹائرمنٹ لینے کا عندیہ دے دیا۔

بھارتی میڈیا کے مطابق ویرات کوہلی نے ریٹائرمنٹ کے بعد اپنے منصوبوں کے حوالے سے بات کرتے ہوئے کہا کہ کرکٹ کے بعد ایک طویل بریک لوں گا۔

سینٹرل ایشیا والی بال چیمپئن شپ، پاکستان کا ترکمانستان کے ساتھ فائنل مقابلہ آج ہو گا

سال 2008 میں بھارتی کرکٹ ٹیم میں ڈیبیو کرنے والے ویرات کوہلی کا کہنا ہے کہ کرکٹ سے کنارہ کشی کے بعد وہ اپنی فیملی کے ساتھ وقت گزارنے کا ارادہ رکھتے ہیں۔

دائیں ہاتھ سے بلے بازی کرنے والے کوہلی نے اپنے پیچھے کوئی نامکمل منصوبہ نہ چھوڑنے اور مستقبل میں کسی پچھتاوے سے بچنے کی اہمیت پر زور دیتے ہوئے کہا کہ بطور کھلاڑی ہمارے پاس کیریئر کا اختتامی وقت ہوتا ہے، اس لیے میں پیچھے رہ کر کام کر رہا ہوں۔

ٹی ٹوئنٹی ورلڈکپ کیلئے بابر اعظم کی قیادت میں 15 رکنی اسکواڈ فائنل

ان کا کہنا تھا کہ ایک بار جب میرا کام مکمل ہوجائے گا میں چلا جاؤں گا، آپ مجھے کچھ دیر کے لیے نہیں دیکھ سکیں گے، اس لیے میں اسے اپنے کھیلنے کے وقت تک سب کچھ دینا چاہتا ہوں اور یہی وہ چیز ہے جو مجھے آگے بڑھنے میں مدد دیتی ہے۔

واضح رہے کہ سابق بھارتی کپتان نے سال 2024 کے بعد کرکٹ چھوڑنے کا اشارہ دیا ہے اور ویرات کوہلی کے اس بیان کے بعد ان کے چاہنے والے شائقین کرکٹ میں تشویش کی لہر دوڑ گئی۔


متعلقہ خبریں