حافظ نعیم الرحمن کو نیا امیر جماعت اسلامی منتخب کر لیا گیا۔
حافظ نعیم الرحمن جماعت اسلامی پاکستان کے چھٹے امیر منتخب کیے گئے ہیں۔ وہ اس سے پہلے امیر جماعت اسلامی کراچی کے طور پر ذمہ داریاں سرانجام دے رہے تھے۔
ترجمان جماعت اسلامی قیصر شریف کا کہنا ہے کہ نئے امیر جماعت اسلامی کی مدت 2024 تا اپریل 2029 تک ہو گی ، جماعت اسلامی ایک مکمل جمہوری جماعت ہے۔
انہوں نے بتایا کہ دستور کے مطابق جماعت اسلامی میں ہر سطح پر باقاعدگی سے انتخابات ہوتے ہیں، یہ جماعت کسی فرد یا خاندان کی نہیں بلکہ ہر رکن اور کارکن کی ہے۔
ملک بھر سے 46 ہزار اراکین نے اپنا ووٹ خفیہ بیلٹ کے ذریعے کاسٹ کیا ،امیر جماعت اسلامی سراج الحق اپنی دوسری دفعہ مدت امارات 8 اپریل کو پوری کر رہے ہیں۔
جماعت اسلامی کے بانی امیر مولانا سید ابو اعلیٰ مودودی تھے ، میاں طفیل محمد ، قاضی حسین احمد اور سید منور حسن بھی جماعت کے امیر رہے ہیں۔
حافظ نعیم نے پی ٹی آئی کے حق میں سندھ اسمبلی کی سیٹ چھوڑنے کا اعلان کردیا
