صدر مملکت ڈاکٹر عارف علوی نے تین ججوں کی تعیناتی کی منظوری دے دی جبکہ جسٹس نعیم اخترافغان کی بطور جج سپریم کورٹ تعیناتی کی منظوری دی۔
جسٹس نعیم اخترافغان بلوچستان ہائیکورٹ کے چیف جسٹس ہیں، صدر نے آئین کے آرٹیکل 175 (اے) 13 کے تحت منظوری دی۔
صدر مملکت ڈاکٹر عارف علوی نے جسٹس ہاشم خان کاکڑ کی بطور قائم مقام چیف جسٹس بلوچستان ہائی کورٹ تقرری کی منظوری بھی دی۔
چیف جسٹس لاہور ہائیکورٹ آج اپنے عہدے سے ریٹائر ہوجائیں گے
صدر مملکت نے قائم مقام چیف جسٹس کی تعیناتی کی منظوری آئین کے آرٹیکل 196 کے تحت دی۔
جسٹس ملک شہزاد احمد خان کی بطور چیف جسٹس لاہور ہائیکورٹ تعیناتی کی منظوری دی گئی، وہ لاہو رہائیکورٹ کے سینئر ترین جج ہیں۔
