ماسکو: امریکی کمپنی نائیکی نے فیفا ورلڈ کپ 2018 کے لیے ایرانی قومی ٹیم کے فٹ بالروں کو جوتے دینے سے انکار کردیا۔
ایرانی فٹ بال ٹیم نے سماجی رابطوں کی ویب سائٹ ٹوئٹر پر اس خبر کو شائقین کے ساتھ شیئر کرتے ہوئے کہا کہ امریکہ کی پابندیوں کے باعث نائیکی کمپنی نے ورلڈ کپ میں شریک ایرانی کھلاڑیوں کو جوتے دینے سے انکار کردیا ہے۔
شرکت نایکی رسما اعلام کرد که بهدلیل تحریمهای آمریکا نمیتواند محصولاتش را در اختیار بازیکنان تیم ملی ایران قرار دهد. pic.twitter.com/sHMTof3tFi
— Team Melli IRAN (@TeamMelliIran) June 12, 2018
کھیلوں کا سامان بنانے والی امریکی کمپنی نائیکی کے فیصلے نے ایرانی فٹ بال ٹیم کے کوچ اور کھلاڑیوں کو پریشان کردیا ہے۔
ایرانی کوچ کارلوس کویروز نے میڈیا سے بات چیت کرتے ہوئے کہا کہ اہم میچ سے قبل کھلاڑیوں کی کٹ میں تبدیلی نقصان دہ ثابت ہوسکتی ہے۔
کارلوس کویروز کا کہنا تھا کہ ہم صرف مینیجراورفٹبالر ہیں، ہمیں ایسے مسائل میں نہیں گھسیٹنا چاہیے۔ اس سلسلے میں فیفا سے مدد کی درخواست کی جارہی ہے۔
سوشل میڈیا پر ایرانی شہریوں سمیت دنیا بھر سے فٹبال شائقین نے نائیکی کے فیصلے کو توہین آمیز قرار دیے کر کمپنی کے سامان کا بائیکاٹ کرنے کی مہم کا آغاز کردیا ہے۔
1. The more I think about it, the more infuriating it is that @Nike is refusing to provide boots to #Iran's #TeamMelli. It seems like they just don't care. Football fans need to join to make this a big PR own goal for Nike. This petition is a good start: https://t.co/ELqbgt0Yb8
— Esfandyar Batmanghelidj (@yarbatman) June 11, 2018
اس سے قبل یونانی فٹ بال ٹیم نے بھی ترکی اور یونان کے مابین جاری تنازعات کو بنیاد بنا کر ایرانی فٹ بال ٹیم کے ساتھ دوستانہ میچ کھیلنے سے انکار کردیا تھا۔