سابق چیئرمین پی ٹی آئی نے اپنی کرسی زرداری کے تراشے ہیرے کے حوالے کردی،خواجہ آصف کا طنز

Khawaja Asifخواجہ آصف

پاکستان مسلم لیگ (ن)کے رہنما و سابق وفاقی وزیرخواجہ آصف نے کہا ہے کہ عمران نے اپنی کرسی زرداری کے تراشے ہیرے کے حوالے کردی۔

سماجی رابطوں کی ویب سائٹ ایکس (سابقہ ٹویٹر) پر خواجہ آصف نے پی ٹی آئی کے نومنتخب چیئرمین بیرسٹر گوہرعلی خان کا انتخابی پوسٹر شیئر کیا ہے جب وہ پیپلزپارٹی کی جانب سے قومی اسمبلی کی نشست کے امیدوار تھے۔

آئندہ بھی وہی فیصلہ ہوگا جو سابق چیئرمین پی ٹی آئی کریں گے، بیرسٹر گوہر

اور کیپشن میں لکھا کہ تحریک انصاف کے نئے چیئرمین کے2008-2022تک 14 سال آصف زرداری قائد رہے، وہ 2022 میں PTIمیں آئے۔

خواجہ آصف نے طنز کرتے ہوئے کہا کہ ایک سال کے اندر عمران خان کو زرداری صاحب کا تراشا ہیرا اتنا پسند آیا کہ اپنی کرسی اس کے حوالے کر دی۔

اور اپنے پرانے ساتھیوں کو کوڑا کرکٹ کر دیا۔لیگی رہنما نے عمران خان کو ہدف تنقید بناتے ہوئے کہا کہ اپنی غیر حاضری میں وہ اپنے پرانے ساتھیوں پہ اعتبار کرنے کو تیار نہیں، جس شخص نے ساری عمر لوگوں کو دھوکے دیے ہوں اس کے لیے دوسروں پہ اعتبار مشکل ہوتا ہے۔

بیرسٹر گوہر بلامقابلہ چیئرمین پی ٹی آئی ، عمر ایوب جنرل سیکرٹری منتخب

خواجہ آصف نے اپنے پیغام میں پی ٹی آئی کے لیڈروں اور ورکروں سے کہا ہے کہ یہ ان کے لیے ڈوب مرنے کا مقام ہے۔


ٹیگز :
متعلقہ خبریں