الیکشن کمیشن آف پاکستان نے ملک میں آئندہ عام انتخابات کی تیاریوں کے حوالے سے حکم جاری کر دیا۔
تفصیلات کے مطابق الیکشن کمیشن نے چاروں صوبائی چیف سیکریٹریز اور چیف کمشنر اسلام آباد کو خط لکھ دیا، الیکشن کمیشن کے خط کے مطابق آئین کے تحت تمام انتظامی افسران الیکشن کمیشن کی معاونت کے پابند ہیں، چیف سیکریٹریز انتخابات کی تیاریوں میں الیکشن کمیشن کی معاونت کریں۔
الیکشن کمیشن کا جنوری کے آخری ہفتےمیں انتخابات کرانے کا اعلان
خط کےمطابق ملک کے تمام ڈپٹی کمشنرز کو ضلعی الیکشن کمیشن سےرابطے کی ہدایت دی جائے، پورے ملک میں انتظامی اور لاجسٹک سپورٹ فراہم کی جائے، حساس اور غیر حساس الیکشن میٹریل رکھنے کیلئے محفوظ اور مناسب جگہیں فراہم کی جائیں۔
خوشی ہے کہ ملک میں انتخابات آئین کے تحت ہونےجارہے ہیں، مرتضیٰ سولنگی
مزید کہا گیا ہے کہ ریٹرننگ افسران کو فراہم کیے جانے والے ٹیبلیٹس کی حفاظت یقینی بنائی جائے، الیکشن میٹریل جن مقامات پر رکھا جائے وہاں بہترین سیکیورٹی فراہم کی جائے۔
