اربوں روپے مالیت کے کرپشن ریفرنسز دوبارہ کھولنے کے بعد نیب نے مزید اہم فیصلے کر لئے ہیں۔
چیئرمین نیب نے کرپشن کے خلاف کارروائیوں کے لئے حساس اداروں کے افسران کی خدمات لینے کا فیصلہ کیا ہے۔
نیب نے اہم عہدوں پر تقرریوں کے لیے ڈیپوٹیشن پر حساس اداروں سے افسران مانگ لئے ہیں۔ حساس اداروں کے افسران آئندہ چند روز میں نیب میں کام شروع کردیں گے۔
پیپلز پارٹی نے نیب ختم نہ کرکے غلطی کی، ندیم افضل چن کا اعتراف
چیئرمین نیب لیفٹیننٹ جنرل ریٹائرڈ نذیر احمد کی منظوری سے حساس اداروں کے افسران کی خدمات کے لیے خط لکھ دیا گیا۔
نیب حکام کا کہنا ہے کہ نیب میں تمام خالی آسامیوں پر بھی فوری طور پر تقرریاں کردی جائیں گی، ڈپٹی چیئرمین نیب اور پراسیکیوٹر جنرل کے عہدوں پر بھی مستقل افسران کا تقرر کردیا جائے گا۔
