بھارت کے معروف اسپورٹس جرنلسٹ وکرانت گپتا نے بابر اعظم سے بیٹ مانگ لیا۔
گزشتہ روز سماجی رابطوں کی ویب سائٹ ایکس پر ایک ویڈیو سامنے آئی تھی جس میں دیکھا جا سکتا ہے کہ بھارتی صحافی وکرانت گپتا پاکستان کرکٹ ٹیم کے کپتان بابر اعظم سے کچھ کہہ رہے ہیں جس کے جواب میں پاکستان کرکٹ ٹیم کے کپتان بھی مسکرا کر جواب دیتے ہیں اور آگے نکل جاتے ہیں۔
پاک بھارت میچ، پاکستانی ٹیم 270رنز آسانی کیساتھ بنا سکتی ہے، ثقلین مشتاق
بھارتی صحافی نے مختصر ملاقات کے حوالے سے کہا ہے کہ انہوں نے پاکستانی کپتان سے ایک فرمائش کی ہے، جب پاکستان کی نیٹ پریکٹس ختم ہوئی تو میں کئی رضوان، شاہین سمیت بابر سے ملا۔
وکرانت گپتا نے کہا کہ میں نے بابر کو روک کر ان سے ایک چیز مانگی اور کہا مجھے آپ کا بیٹ چاہیے، میں دیکھ رہا تھا جب وہ بیٹنگ کررہے تھے تو ان کے بلے سے آواز ہی کچھ الگ آرہی تھی۔
پاک بھارت میچ بارش کے باعث روک دیا گیا
بابر کو لگا ہوگا شاید میں نے انٹرویو لینے کے لیے انہیں روکا ہے تاہم میں نے ان سے کہا مجھے ایک چیز چاہیے جس پر بابر نے کہا جی؟ میں نے کہا مجھے آٹوگراف چاہیے۔
بھارتی صحافی نے کہا کہ بابر کو لگا مجھے عام آٹوگراف چاہیے، میں نے کہا مجھے آپ کا بلا چاہیے، میں نے کہا مجھے بس یہ چاہیے، ان کا بہت زبردست بیٹ ہے۔
وکرانت گپتا نے کہاکہ میں نے آج تک کسی بھارتی پلیئر سمیت کسی دوسرے کھلاڑی سے بیٹ نہیں لیا تاہم بابر سے مانگا ہے، اب دیکھتے ہیں وہ دیتے ہیں یا نہیں۔
صارفین کی جانب سے چہ مگوئیاں کی جارہی کہ وکرانت گپتا کو بابر اعظم کے بیٹ سے ٹک آواز آئی ہے یہ ہمیں کھٹک رہا ہے یقینا وہ اس پر کوئی منفی پراپیگینڈہ کرنا چاہتے ہیں۔
