سنیپ چیٹ ‘اے آئی’ بھی بابر اعظم کا مداح نکلا

May 19, 2023

ویڈیو سٹریمنگ ایپ ‘سنیپ چیٹ’ کی جانب سے متعارف کرائے گئے چیٹ جی پی ٹی پر مبنی ایک اے آئی ٹول کا سوشل میڈیا پر ہر طرف چرچا ہے۔ کرکٹ میں دلچسپی رکھنے والے افراد بھی اب اس فیچر کو پسند کرتے نظر آرہے ہیں۔

سماجی رابطے کی ویب سائٹ ٹوئٹر پر حال ہی میں ایک سنیپ چیٹ صارف کی طرف سے سنیپ چیٹ ‘اے آئی’ کا استعمال کرتے ہوئے ایک دلچسپ سوال پوچھا گیا۔ صارف نے سوال کیا کہ قومی کرکٹر بابر اعظم کو بھارتی کرکٹر ویرات کوہلی میں سے کون بہتر ہے؟

ون ڈے پلیئرز رینکنگ، بابر اعظم کی پہلی پوزیشن برقرار

جواب میں سنیپ چیٹ ‘اے آئی’ دونوں میں سے کسی کو بہتر قرار دینے سے گریز کرتے ہوئے کہتا ہے کہ دونوں ہی اچھے کھلاڑی ہیں۔ دونوں کا آپس میں موازنہ کرنا مشکل ہے جس کی وجہ یہ ہے کہ دونوں کے ہی کھیلنے کے اپنے الگ انداز ہیں۔

سنیپ چیٹ صارف پھر سوال کرتا ہے کہ دونوں میں سے کسی ایک نام کا انتخاب کرنا پڑے تو؟ صارف کے اصرار کرنے پر سنیپ چیٹ ‘اے آئی’ قومی ٹیم کے کپتان بابر اعظم کا نام لیتا ہے۔