سیاستدانوں کو اپنے مسائل خود حل کرنے ہیں، سراج الحق


لاہور: امیر جماعت اسلامی پاکستان سراج الحق نے کہا ہے کہ سیاستدانوں کو اپنے مسائل خود حل کرنے ہیں۔

امیر جماعت اسلامی پاکستان سراج الحق نے میڈیا سے گفتگو میں کہا کہ وزیر اعظم شہباز شریف اور چیئرمین پاکستان تحریک انصاف عمران خان کے ساتھ ملاقات مفید رہی اور ملاقات کے دوران مذاکرات کے ذریعے آگے بڑھنے پر اتفاق ہوا۔

انہوں نے کہا کہ پاکستان کو اس وقت سیاسی، معاشی اور آئینی بحران کا سامنا ہے جبکہ ملکی مسائل کا حل کسی عدالت یا اسٹیبلشمنٹ کے ذریعے ممکن نہیں بلکہ سیاستدانوں کو اپنے مسائل خود حل کرنے ہیں۔

یہ بھی پڑھیں: عمران خان سے مذاکرات نہیں ہونگے، مولانا فضل الرحمن کا دو ٹوک اعلان

سراج الحق نے کہا کہ موجودہ حالات سے نکلنے کا بہترین راستہ یہی ہے کہ عوام سے رجوع کیا جائے اور قومی انتخابات کے لیے ایک تاریخ پر اتفاق رائے پیدا کیا جائے۔

انہوں نے کہا کہ انتخابات ایسے ماحول میں ہوں کہ اس کے نتائج سب تسلیم کریں۔


متعلقہ خبریں