قومی کرکٹ ٹیم کے سابق فاسٹ بولر محمد عامر کرکٹر شاہین شاہ آفریدی کی حمایت میں بول پڑے۔
سماجی رابطوں کی ویب سائٹ ٹوئٹر سے جاری پیغام میں انہوں نے کہا کہ میرے خیال سے شاہین شاہ آفریدی موجودہ اسکواڈ میں پاکستان کے سب سے بہترین فاسٹ بولر ہیں۔
انہوں نے شاہین کو مخاطب کرتے ہوئے کہا کہ وہ اپنا سر بلند رکھیں، انہوں نے پہلے بھی کارکردگی دکھائی اور وہ آئندہ بھی بہترین کارکردگی کا مظاہرہ کریں گے۔
عامر نے شاہین شاہ آفریدی کو مشورہ دیا کہ وہ توجہ حاصل کرنے کے متلاشی ناقدین کی باتوں کو دل پر مت لیں۔
in my opinion @iShaheenAfridi is one of the finest bowler and the best Pakistan has currently, shaheen keep your head high u have done it before n u’ll smash it again IA. don’t take some attention seekers dislikeness to ur heart.
— Mohammad Amir (@iamamirofficial) July 14, 2021
واضح رہے کہ انگلینڈ کے خلاف حالیہ ون ڈے سیریز میں ناقص کارکردگی دکھانے پر شاہین شاہ آفریدی کو سوشل میڈیا پر ناقدین کی جانب سے سخت تنقید کا نشانہ بنایا جا رہا ہے۔
21 سالہ نوجوان گیند باز نے تین میچوں پر مشتمل ون ڈے سیریز میں صرف دو وکٹیں حاصل کی تھیں۔
