کورونا وائرس میں مبتلا وزیراعظم عمران خان نے کورونا آئسولیشن کے دوران اپنی رہائشگاہ پر محدود سرکاری سرگرمیاں شروع کردی ہیں۔
وزیر اعظم عمران خان کی ایک نئی تصویر سامنے آئی ہے جس میں وہ انہیں اپنی رہائش گاہ پر پارٹی رہنماؤں اور افسران کے ساتھ ملاقات کرتے دیکھا جا سکتا ہے۔
یہ بھی پڑھیں: وزیر اعظم عمران خان کی تازہ تصویر
تصویر میں وزیر اعظم عمران خان کے ساتھ وفاقی وزیر اطلاعات شبلی فراز، معاون خصوصی برائے اوورسیز پاکستانی زلفی بخاری، سینیٹر فیصل جاوید اور یوسف بیگ مرزا موجود ہیں۔
ہم نیوز کے ذرائع کے مطابق وزیراعظم عمران خان نے اجلاس کے شرکاء کو اہم حکومتی امور پر ہدایات دیں۔
خیال رہے کہ چند روز قبل وزیراعظم عمران خان اور ان کی اہلیہ بشری بی بی میں کورونا وائرس کی تشخیص ہوئی تھی۔ کورونا ٹیسٹ مثبت آنے کے بعد انہوں نے خود کو گھر میں قرنطینہ کر لیا تھا۔
قبل ازیں وزیر اعظم عمران خان کے معاون خصوصی برائے سیاسی روابط شہباز گل نے وزیراعظم کی نئی تصویر جاری کی تھی۔
یہ بھی پڑھیں: پنجاب میں برطانیہ سے آنے والا نیا کورونا وائرس تیزی سے پھیلنے لگا
سماجی رابطوں کی ویب سائٹ ٹوئٹر پر شیئر کیے گئے پیغام میں شہباز گل نے وزیراعظم کی تصویر شیئر کی تھی۔
تصویر کے ساتھ انہوں نے تحریر کیا تھا ’خان صاحب کی آج کی تصویر۔ خان صاحب آج اپنا معمول کا دفتری کام کر رہے ہیں‘۔
شہباز گل نے یہ بھی لکھا کہ ’اللہ کا شکر ہے آپ کی دعاؤں سے وہ comfortable ہیں۔ آپ سب کی دعاؤں اور نیک تمناؤں کا شکریہ‘ ۔
