متنازع ٹک اسٹار حریم شاہ کی نئی ویب سیریز ’ راز ‘ کا مختصر ٹریلر جاری کر دیا گیا۔
حریم شاہ نے فوٹو اور ویڈیو شیئرنگ ایپلیکیشن (ایپ) انسٹاگرام پر اپنی ویب سیریز کا 55 سیکنڈز کا ٹریلر جاری کیا ہے۔
یہ مراسلہ Instagram پر دیکھیں
راز نامی ویب سیریز کی ہدایت کاری اسد علی زیدی کر رہے ہیں جب کہ اس کی کہانی منصور سعید نے لکھی اور اسے فرحان گوہر پروڈیوس کریں گے۔
حریم شاہ کی ویب سیریز کو پاکستانی کے پہلے ڈیجیٹل اسٹریمنگ پلیٹ فارم اردو فلیکس پر ریلیز کیا جائے گا تاہم ابھی تک سیریز کی انتظامیہ کی جانب سے ریلیز کی تاریخ نہیں بتائی گئی۔
خیال رہے کہ اردو فلیکس کی سہولت آئندہ برس اپریل میں صارفین کو میسر ہوگی اور اس میں بچوں سے لے کر بڑوں کی تفریح اور آگہی پر مبنی مقامی طور پر تیار کردہ نشریاتی مواد دکھایا جائے گا۔
