گلیڈی ایٹرز کی سلطانز بالرز کے سامنے ایک نہ چلی

March 3, 2018
نازش حسن

شارجہ: پاکستان سپر لیگ تھری کے 13ویں میچ میں کوئٹہ گلیڈی ایٹرز نے ملتان سلطانز کر جیت کے لیے 103 رنز کا ہدف دیا ہے۔

کوئٹہ کی پوری ٹیم پہلے بیٹنگ کرتے ہوئے 16 ویں اوور میں 102 رنز بنا کر آؤٹ ہو گئے۔

دونوں ٹیموں کے مابین کھیلے جانے والے میچ میں ملتان سلطانز نے ٹاس جیت گلیڈی ایٹرز کو پہلے بیٹنگ کی دعوت دی۔

گلیڈی یٹرز کی جانب سے عمر امین اور شین واٹسن میدان میں آئے تو پہلی وکٹ کی شراکت میں 27 رنز بنائے۔

پہلی وکٹ عمر امین کی گری۔ اوپنر بلے باز 8رنز بنا کر سہیل تنویر کی گیند پر آؤٹ ہو گئے۔

پہلے کھلاڑی کے آؤٹ ہونے کے بعد گلیڈی ایٹر بلے باز میدان میں آتے اور جاتے دکھائی دیے۔

سلطانز بالرز کے سامنے صرف کپتان سرفراز احمد مزاحمت کر سکے۔ سرفراز بھی 30 رنز بنا کر سہیل تنویر کی گیند پر آؤٹ ہوئے۔ کپتان کوئٹہ کی جانب سے ٹاپ اسکورر رہے۔

شین واٹسن 19 اور محمود اللہ 15 رنز بنانے میں کامیاب ہوئے۔ دیگر کھلاڑی ڈبل فیگر کراس کیے بغیر پویلین لوٹ گئے۔

سلطانز کی جانب سے عمران طاہر اور سہیل تنویر نے تین تین کھلاڑیوں کو پویلین کی راہ دکھائی۔

عمران طاہر نے اپنے تیسرے اوور کی تین گیندوں پر تین گلیڈی ایٹرز کا شکار کیا۔

 

 


ٹیگز :
متعلقہ خبریں
اینڈری رسل

ویسٹ انڈیز کے مایہ ناز آل رائونڈر اینڈری رسل کا انٹرنیشنل کرکٹ سے ریٹائرمنٹ کا اعلان
ورلڈ سنوکرچیمپئن شپ

ورلڈ سنوکرچیمپئن شپ میں پاکستان کے دو کیوئسٹ کوارٹرفائنل پہنچ گئے
Arshad Nadeem

اولمپک گولڈ میڈلسٹ ارشد ندیم کو پلاٹس دینے کے دعوے جھوٹے نکلے